Efektivët e Batalionit të Tretë të Këmbësorisë, pjesë e Regjimentit të Këmbësorisë së Veriut të Forcës Tokësore, kanë përfunduar me sukses një operacion për transportimin e një fëmije të sëmurë nga fshati Ostren i Bulqizës drejt spitalit të Bulqizës.

Fëmija u transportua fillimisht me mjetin ushtarak të Batalionit të Tretë dhe më pas iu dorëzua ambulancës për të vijuar drejt spitalit, ku do të marrë kujdesin e nevojshëm mjekësor.

Ky operacion është një shembull i qartë i përkushtimit dhe humanizmit të Forcave të Armatosura, të cilat vijojnë të jenë pranë qytetarëve në çdo situatë emergjente.