Nga 390 zyra të gjendjes civile, nga 1 maji 2022, 150 prej tyre do të jenë sportele fizike dhe pjesa tjetër sportele online.
Në 150 sportele fizike, do të ofrohen vetëm ato shërbime që kërkojnë domosdoshmërisht prezencë fizike të qytetarëve, si regjistrim akti lindje, martese, vdekje, etj.
Çdo qytetar duhet të mbajë parasysh se prej datës 1 maj, nuk do jetë më e nevojshme të shkojë sportel më sportel për të grumbulluar dokumentacionin që i kërkohet për një shërbim, por institucioni fundor që do të ofrojë shërbimin do të komunikojë elektronikisht me zyrën e gjendjes civile përkatëse ose Regjistrin Kombëtar të Gjendjes Civile për të siguruar informacionin e kërkuar. Ndaj, nëse ndonjë nga institucionet e administratës ju kërkon certifikata si aplikues, rikujtojini se këtë dokument mund ta marrë vetë online dhe nuk ka pse t’ua kërkojë.