Ministrja për Evropën dhe Punët e Jashtme Olta Xhaçka, ka përkujtuar sot 25 vjetorin e Prezencës së OSBE në Shqipëri.

Me anë të një mesazhi në rrjetin social Twitter, Ministrja shprehet se Shqipëria ka evoluar nga anarkia e 1997-ës, në një vend që mbajti me sukses Kryesinë e OSBE në vitin 2020 dhe aktualisht mban ulësen e vet si anëtar jo i përhershëm në Këshillin e Sigurimit në OKB.

“Shqipëria është mirënjohëse OSBE-së për rolin e saj në këtë transformim dhe mbështetjen e vlefshme në reformën ligjore, ato zgjedhore, administrative dhe pronësore si dhe kontributin për qeverisjen e mirë, luftën kundër korrupsionit dhe ngritjen e kapaciteteve në të gjitha fushat”.

Në fund të mesazhit të saj, Ministrja Xhaçka përcjell vlerësimin për vazhdimin e kesaj traditë të shkëlqyer bashkëpunimi, nën drejtimin e ambasadorit Vincenzo Del Monaco, i cili po bën shumë për të mbështetur prioritetet e përbashkëta, si Gratë, Paqja dhe Siguria.