Në përmbyllje të një viti me arritje të suksesshme në sektorin e turizmit, u organizua një mbrëmje e ndarjes së çmimeve në turizëm nga Ministria e Turizmit dhe Mjedisit dhe Unioni Turistik Shqiptar. Gjatë ceremonisë, u shpërndanë 21 çmime dedikuar bizneseve të hotelerisë, udhëtimit, mikpritjes, por edhe institucioneve publike siç ishte ‘Bashkia Sarandë’ vlerësuar si destinacioni më atraktiv gjithëvjetor e të gjithë aktorëve të tjerë të sektorit, të cilët me performancën e tyre, patën një ndikim në bilancet pozitive të turizmit në shifra, të ardhura e standarde për vitin që po lëmë pas.
Në fjalën e saj përshëndetëse, ministrja e Turizmit dhe Mjedisit Mirela Kumbaro vlerësoi bashkëpunimin dhe performancën e sektorit privat për vitin 2023.
“Po mbyllim së bashku një vit historik në nivel shifrash dhe me një bilanc të jashtëm pozitiv si ekonomi e hapur për herë të parë në histori ku performanca e sektorit privat ka qenë qershia mbi tortën e punëve të pjekura dhe mirëkorkoordinuara. Të gjithë aktorët e sektorit kanë rolin e tyre të padiskutueshëm në sinergjinë e punëve të krijuara dhe koordinuara mirë për të prodhuar këto rezultate që sot kemi arritur”, u shpreh ministrja Kumbaro.
Më tej gjatë fjalës së saj, minsitrja e Turizmit dhe Mjedisit përmendi edhe projektet e përbashkëta e sfidat për vitin 2024 i cili nis me një ngjarje të rëndësishme në promovimin ndërkombëtar siç është panairi i turizmit ‘Fitur Madrid’ i cili do të mbahet në muajin janar.
“Ky pozitivitet dhe energji e mirë që na ka shoqëruar këtë vit, shpresoj të na shoqërojë edhe për vitin që vjen, ku nisim që në Janar me një kalendar ngjarjesh ndërkombëtare për turizmin si ‘Fitur Madrid’, vazhdojmë me ‘ITB Berlin’, e më tej me “FESTA 2” duke dhënë më të mirën e shpirtit shqiptar të mikpritjes përmes këtij entuziazmi që po përcjellim këtë vit”, vazhdoi më tej ministrja Kumbaro.
Gjatë fjalës së saj në ceremoninë e ndarjes së çmimeve në turizëm, ministrja e Infrastrukturës dhe Energjisë dhe zëvendëskryeministrja Belinda Balluku u shpreh se “TIA ka regjistuar 7 milionë vizitorë që kanë hyrë nga ajri në Shqipëri ose 120% më shumë krahasuar me vitin 2019, i cili ishte edhe viti i fundit normal para pandemisë.”
“Turizmi nuk bëhet dot as vetëm nga qeveria, as vetëm nga hotelierët as vetëm nga turoperatorët, as vetëm nga udhërrëfyesit. Turizmi bëhet nga të gjithë ne dhe ne e kemi në ADN−në tonë”, vazhdoi ministrja Balluku.
Kryetari i Unionit Turistik Shqiptar Rrahman Kasa, u shpreh se rezultatet e mira të këtij ishin rezultat i një bashkërendimi serioz të projekteve dhe punëve të përbashkëta mes sektorëve publik dhe privat, duke konfirmuar 35% më shumë rezervime për vitin 2024.
Deri në muajin nëntor, Shqipëria është vizituar nga 9.54 milionë turistë të huaj. Peshën kryesore e zënë vizitorët nga Kosova, por risi për këtë vit kanë qenë flukset e larta nga Italia (872 mijë vizitorë) dhe rritje të shpejtë nga vende si Mali i Zi, Spanja, Franca e Gjermania.
Nga ana tjetër, Shqipëria po zbulohet me rritje të ndjeshme nga vende si Turqia, Kina e vendet nordike e njëkohësisht gjatë këtij viti janë rikuperuar flukset e vizitorëve nga Ukraina.
Link video: https://www.filemail.com/d/hwnkqxqzkuempgk
LISTA E ÇMIMEVE TË AKORDUARA:
1. JETO NË FSHAT
TITULLI: „Projekti më i mirë për turizmin rural në Shqipëri”
2. HAPPY TOURS DMC
TITULLI: “KOMPANIA TURISTIKE INCOMING MË E MIRË NË SHQIPËRI”
3. WIZZ AIR
TITULLI: “KOMPANIA AJRORE “LOW COST” MË E MIRË NË SHQIPËRI”
4. Bashkia SARANDE
TITULLI: DESTINACIONI MË ATRAKTIV GJITHËVJETOR
5. FAFA GRAND BLUE
TITULLI: “HOTELI MË I MIRË NË ASPEKTIN E QËNDRUESHMËRISË NË SHQIPËRI”
6. OVERVIEW EVENTS & TRAVEL
TITULLI: KOMPANIA MË E MIRË “MICE” NË SHQIPËRI
7. Aplikacioni TEA
TITULLI: “APLIKACIONI MË I MIRË I TURIZMIT”
8. “REGINA BLUE”
TITULLI: “HOTELI MË I MIRË I VIJËS BREGDETARE NË SHQIPËRI”
9. “ALBANIA RAFTING GROUP”
TITULLI: “TURIZMI MË I MIRË I AVENTURËS NË SHQIPËRI”
10. KULLA HUPI
TITULLI: TURIZMI I KULLAVE MË I MIRË NË SHQIPËRI
11. ANSAMBLI I KËNGEVE DHE VALLEVE POPULLORE
TITULLI: PERFORMANCA MË E MIRË NË EVENTE NDËRKOMBËTARE
12. PIRAMIDA
TITULLI: QENDRA MË E MIRË E INOVACIONIT, DIZAJNIT DHE ARKITEKTURËS
13. “MAK ALBANIA”
TITULLI: HOTELI & KONFERENCA MË E MIRË NË SHQIPËRI
14. “SAVA TOURS”
TITULLI: “KOMPANIA OUTGOING MË E MIRË NË SHQIPËRI”
15. SOUTHOUTDOOR
TITULLI: FESTIVALI MË I MIRË NË KRIJIMIN E NJË TRADITE TË QENDRUESHME NË SHQIPËRI
16. ZNJ. ARJANA ISAKU
TITULLI: GUIDA MË E MIRË NË SHQIPËRI
17. EMA’S LIGHT
TITULLI: REVISTA MË E MIRË E UDHËTIMIT
18. “CONVIVIUM MARITIM PLAZA”
TITULLI: RESTORANTI MË I MIRË NË SHQIPËRI
19. GENTI TOURS
TITULLI: “TRANSPORTI TURISTIK MË I MIRË NË SHQIPËRI”
20. LONDON TRAVEL & TOURS
TITULLI: “AGJENCIA TURISTIKE E UDHËTIMIT MË E MIRË NË VEND”
21. GJYSTE BICI
TITULLI: RECETA MË E MIRË E GJYSHES