Takim me Bordin Drejtues të Fondacionit Shqiptaro-Amerikan për Zhvillim (The_AADF), me në krye z.Michael Granoff, ku u diskutua mbi rrugëtimin e gjatë dhe të suksesshëm të bashkëpunimit në fushën e trashëgimisë kulturore.

Gjithashtu në kuadër të 15-vjetorit të themelimit të AADF-së, u vlerësuan arritjet e përbashkëta dhe investimet strategjike që kanë kontribuar në ruajtjen dhe promovimin e trashëgimisë sonë kulturore.

Së bashku u diskutua gjithashtu për të forcuar dhe zgjeruar më tej këtë bashkëpunim, jo vetëm në fushën e trashëgimisë kulturore, por edhe në fusha të tjera të përgjegjësisë së MEKI.

Po ashtu, edhe në eksplorimin e mundësive të reja për projekte të përbashkëta, me synimin për të fuqizuar inovacionin dhe zhvillimin ekonomik në vend.

MEKI mbetet e angazhuar për të vazhduar këtë partneritet të suksesshëm dhe për të përkrahur investimet e rëndësishme që kontribuojnë në ecurinë e Shqipërisë në aspektin kulturor dhe ekonomik.