Në mbështetje të nenit 100 të Kushtetutës dhe të pikës 2, të nenit 9/1, të  ligjit nr.25/2022, “Për mbështetjen dhe zhvillimin e startup-eve”, të ndryshuar, me propozimin e ministrit të Shtetit për Mbrojtjen e Sipërmarrjes, Këshilli i Ministrave

1. Organizimin dhe funksionimin e Agjencisë Shtetërore për Mbështetjen dhe Zhvillimin e Startup-eve dhe Lehtësuesve, (këtu e në vijim, e njohur edhe si STARTUP ALBANIA), si person juridik publik buxhetor, në varësi të ministrit përgjegjës për sipërmarrjen, me seli në Tiranë.

2. STARTUP ALBANIA financohet nga buxheti i shtetit dhe nga burime të tjera të ligjshme.

3. STARTUP ALBANIA ka si mision të sigurojë mirëfunksionimin e ekosistemit të startup-eve në Republikën e Shqipërisë, nëpërmjet mbështetjes dhe zhvillimit të saj.

Përgjegjësitë funksionale të STARTUP ALBANIA-s janë:

a) Menaxhon dhe monitoron realizimin e masave mbështetëse financiare nëpërmjet fondeve publike ose të të tretëve për nismat në ekosistemin e startup-eve në Republikën e Shqipërisë;

b) Vetë ose, kur është rasti, në bashkëpunim me institucione të tjera publike ofron shërbimin startup one stop-shop për mbështetjen e startup-eve dhe lehtësuesve;

c) Organizon punën për promovimin në tregun kombëtar dhe ndërkombëtar të nismave në ekosistemin e startup-eve të Republikës së Shqipërisë;

ç) Organizon punën në cilësinë e organit mbështetës për startup-et dhe lehtësuesit, duke bashkëpunuar me palët e treta, me synim tërheqjen dhe mbështetjen e financimeve nga donatorë të huaj për ekosistemin e startup-eve në Shqipëri;

d) Ndihmon ministrin përgjegjës për sipërmarrjen në ushtrimin e detyrave.

1. STARTUP ALBANIA e ushtron veprimtarinë e saj në të gjithë territorin e Republikës së Shqipërisë dhe organizohet në nivel qendror në nivelin e drejtorisë.

2. STARTUP ALBANIA drejtohet nga drejtori, i cili është përfaqësuesi me të tretët.

3. Drejtori i STARTUP ALBANIA-s emërohet, lirohet apo shkarkohet nga detyra nga ministri përgjegjës për sipërmarrjen.

4. Drejtori i STARTUP ALBANIA-s duhet të plotësojë kriteret e mëposhtme:

a)  Të jetë shtetas shqiptar;

b)  Të ketë zotësi të plotë për të vepruar;

c) Të ketë diplomë të nivelit “Master Shkencor” apo “Master Profesional të përfituar në fund të studimeve të ciklit të dytë, me 120 kredite dhe me kohëzgjatje normale 2 (dy) vite akademike”, ose të barasvlefshme me të sipas legjislacionit të arsimit të lartë në shkenca sociale, inxhinierike, juridike, ekonomike apo të tjera, të lidhura me ekosistemin e startup-eve;

ç) Të ketë përvojë pune jo më pak se 5 (pesë) vjet;

d) Të mos jetë i dënuar me vendim të formës së prerë për kryerjen e një vepre penale;

        dh) Ndaj tij të mos jetë marrë masë disiplinore e largimit nga puna, që nuk është shuar sipas legjislacionit në fuqi;

e)  Të mos ketë konflikt interesi në ushtrimin e detyrës.

5. Drejtori i STARTUP ALBANIA-s lirohet nga detyra kur:

a) plotëson kushtet për pensionin e plotë të pleqërisë;

b) deklarohet i paaftë për punë nga komisioni kompetent mjekësor;

c) ristrukturohet institucioni;

ç) gjendet në një situatë konflikti të vazhdueshëm interesi;

d) jep dorëheqjen nga detyra.

6. Drejtori i STARTUP ALBANIA-s shkarkohet nga detyra kur:

a)  dënohet me vendim gjyqësor të formës së prerë për kryerjen e një krimi apo për kryerjen e një kundërvajtjeje penale me dashje;

b)  kryen shkelje të rënda gjatë detyrës;

c)  nuk përmbush objektivat strategjikë të institucionit.

7. Marrëdhëniet e punës së drejtorit, të nëpunësve dhe punonjësve administrativë të STARTUP ALBANIA-s rregullohen në bazë të Kodit të Punës.

8. Struktura dhe organika e STARTUP ALBANIA-s miratohen me urdhër të Kryeministrit, sipas legjislacionit në fuqi për organizimin dhe funksionimin e administratës shtetërore.

9. Institucionet e tjera që mbështesin me masa mbështetëse inovacionin, teknologjinë e informacionit dhe digjitalizimin, sipas kërkesës, i përcjellin informacion STARTUP ALBANIA-s për subjektet e mbështetura në funksion të koordinimit në tërësi.

10. STARTUP ALBANIA, në përputhje me përgjegjësitë e veta, kryen këto detyra:

a) Administron “Regjistrin e startup-eve dhe lehtësuesve” dhe në bashkëpunim me AKSHI-n ndjek mirëfunksionimin e aplikimeve për pasaportat e startup-eve dhe lehtësuesve;

b) Asiston subjektet e interesuara përgjatë procesit të aplikimit për pasaportën e startup-it;

c) Përgatit dhe publikon raportin vjetor për ecurinë e funksionimit të “Regjistrit të startup-eve dhe lehtësuesve”;

ç) Informon subjektet për mundësitë e mbështetjes qeveritare apo për skemat e mbështetjes në ekosistemin e startup-eve;

d) Administron dhe përditëson portalin elektronik zyrtar startupalbania.gov.al;

dh) Si sekretariat teknik asiston dhe informon Këshillin e Startup-eve me kërkesë të kryetarit të Këshillit për tematika të nevojshme dhe në kuadër të hartimit të dokumenteve strategjike;

e) Shërben si sekretariat teknik për komisionet që ngrihen në funksion të vlerësimit të kërkesave dhe ankesave për masat mbështetëse për nismat në ekosistemin e startup-eve;

ë) Lidh marrëveshje dhe monitoron zbatimin e tyre me përfituesit e granteve financiare, programeve dhe masave mbështetëse sipas legjislacionit në fuqi;

f) Shqyrton dhe vlerëson dokumentacionin justifikues dhe financiar në funksion të ecurisë së zbatimit të masave mbështetëse;

g) Kryen disbursimin e fondit për realizimin e projekteve sipas legjislacionit përkatës;

gj) Në raste abuzimi ose mospërmbushje detyrimesh të parashikuara në marrëveshje, ndërmerr veprimet ligjore për rikthimin e fondit të disbursuar;

h) I propozon ministrit përgjegjës për sipërmarrjen nevojat për masat mbështetëse për ekosistemin e startup-eve në kuadër të planifikimit për vitin pasardhës;

i) Përgatit dhe publikon raportin vjetor dhe raporte të tjera periodike sipas kërkesës për ecurinë e ekosistemit vendas të startup-eve në Republikën e Shqipërisë dhe për performancën e këtij ekosistemi në nivel ndërkombëtar;

j) Përgatit raporte dhe informacion përmbledhës për çështje specifike të ekosistemit, në varësi të problematikave të evidentuara dhe me kërkesë të ministrit përgjegjës për sipërmarrjen;

k) Mbledh, përpunon dhe analizon informacionin për kushtet, nevojat, kapacitetet e startup-eve dhe lehtësuesve, si dhe dinamikat e tendencat e tregut e të ekosistemit të startup-eve;

l) Bashkëpunon me organizmat homologë, organizata dhe subjekte ndërkombëtare që veprojnë në fushën e nxitjes së startup-eve, për lehtësimin e aksesit të startup-eve vendase në tregjet ndërkombëtare dhe përfshirjen e tyre në programet ndërkombëtare të asistencës që ato ofrojnë;

ll) Bashkëpunon me institucionet publike dhe organizatat joqeveritare, vendase dhe të huaja, që me veprimtarinë e tyre ndikojnë në ecurinë e ekosistemit të startup-eve të Republikës së Shqipërisë;

m) Angazhohet në hartimin dhe përgatitjen e aplikimeve, si dhe përthithjen e fondeve me qëllim zhvillimin e ekosistemit vendas të startup-eve;

n) Organizon dhe promovon evente specifike, të fokusuara te shkëmbimi i eksperiencave, këshillimi, mentorimi dhe rrjetëzimi për zhvillimin e ekosistemit të startup-eve;

nj) Favorizon bashkëpunimin e aktorëve të ekosistemit të startup-eve me organet publike, përfaqësuesit e biznesit dhe botën akademike, si dhe palë të treta të tjera, me qëllim krijimin e një kuadri rregullator dhe institucional të favorshëm dhe krijimin e një tregu funksional për startup-et.

11. Rregullorja për metodat e brendshme të punës dhe sjelljen e personelit të STARTUP ALBANIA-s miratohet nga ministri përgjegjës për sipërmarrjen.

12. STARTUP ALBANIA ka stemën, logon dhe vulën e saj zyrtare. Stema e STARTUP ALBANIA-s përbëhet nga stema e Republikës së Shqipërisë, me shënimet “Republika e Shqipërisë, STARTUP ALBANIA”, në përputhje me përcaktimet e vendimit të Këshillit të Ministrave për mënyrën e përdorimit të stemës së Republikës së Shqipërisë.

13. Vula e STARTUP ALBANIA-s ka formën dhe elementet e përcaktuara në vendimin e Këshillit të Ministrave për rregullat e prodhimit, administrimit, kontrollit dhe ruajtjes së vulave zyrtare. Vulat prodhohen, administrohen dhe ruhen në përputhje me legjislacionin në fuqi.

1. Drejtori i STARTUP ALBANIA-s emërohet brenda 30 (tridhjetë) ditëve nga hyrja në fuqi e këtij vendimi.

2. Deri në plotësimin e strukturës së STARTUP ALBANIA-s dhe në caktimin e selisë së saj, drejtori do të mbështetet në detyrat e tij nga kabineti i ministrit përgjegjës për sipërmarrjen.

3. Pas hyrjes në fuqi të këtij vendimi, STARTUP ALBANIA kryen monitorimin dhe ndjekjen e detyrimeve ligjore edhe për përfituesit e masave mbështetëse të thirrjes së parë të vitit 2022.

4. Ngarkohen ministri i Shtetit për Mbrojtjen e Sipërmarrjes dhe Departamenti i Administratës Publike për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të pikës 2, të nenit 5, të ligjit nr.103/2016, “Për akuakulturën”, të ndryshuar, me propozimin e ministrit të Bujqësisë dhe Zhvillimit Rural, Këshilli i Ministrave

1. Miratimin e dokumentit udhëzues të politikave për zonat e përcaktuara për akuakulturë (ZPA) në Shqipëri, sipas tekstit që i bashkëlidhet këtij vendimi dhe është pjesë përbërëse e tij.

2. Vendimi nr.113, datë 17.2.2021, i Këshillit të Ministrave, “Për miratimin e dokumentit udhëzues të politikave mbi zonat e përcaktuara për akuakulturë (ZPA) në Shqipëri”, të ndryshuar, shfuqizohet.

3. Ngarkohen Ministria e Bujqësisë dhe Zhvillimit Rural, Ministria e Turizmit dhe Mjedisit, Ministria e Kulturës, Agjencia e Menaxhimit të Burimeve Ujore dhe Roja Bregdetare për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 46, të Konventës Evropiane për Mbrojtjen e të Drejtave të Njeriut dhe Lirive Themelore, ratifikuar me ligjin nr.8137, datë 31.7.1996, “Për ratifikimin e Konventës Evropiane për Mbrojtjen e të Drejtave të Njeriut dhe Lirive Themelore”, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 14, të ligjit nr.84/2022, “Për buxhetin e vitit 2023”, me propozimin e Kryeministrit, Këshilli i Ministrave

1. Ekzekutimin e vendimit të Gjykatës Evropiane për të Drejtat e Njeriut, datë 13.12.2022, për çështjen “Sevdari kundër Shqipërisë”, kërkesa nr.40662/19, përfundimtar në datën 13.3.2023, në shumën                                                  19 600 (nëntëmbëdhjetë mijë e gjashtëqind) euro, në lidhje me dëmin pasuror dhe jopasuror, si dhe në shumën 5 000 (pesë mijë) euro, në lidhje me kostot dhe shpenzimet, plus çdo taksë që mund të jetë e aplikueshme.

2. Vlera e përcaktuar si detyrim në pikën 1, të këtij vendimi, konvertohet në lekë, në bazë të kursit të këmbimit të bankës ku depozitohet shuma në datën e kryerjes së pagesës.

3. Vlera e përcaktuar si detyrim në pikën 1, të këtij vendimi, depozitohet në një nga bankat e nivelit të dytë, në emër të kërkueses Antoneta Sevdari, në vlerën që shteti shqiptar detyrohet, sipas vendimit përfundimtar të Gjykatës Evropiane për të Drejtat e Njeriut, datë 13.12.2022, “Sevdari kundër Shqipërisë”, kërkesa nr.40662/19.

4. Pagimi i shumës të depozituar, sipas përcaktimeve në pikën 3, të këtij vendimi, në favor të kërkueses Antoneta Sevdari, bëhet nga Ministria e Financave dhe Ekonomisë, pas paraqitjes së dokumentacionit të nevojshëm ligjor për kryerjen e pagesave nga buxheti i shtetit, brenda afatit 3-mujor nga dita kur vendimi i gjykatës është bërë përfundimtar.

5. Mbi shumën e përcaktuar në pikën 1, të këtij vendimi, duke filluar nga data 13.6.2023 deri në datën e ekzekutimit të këtij vendimi, paguhen interesa të thjeshta, të barabarta me kursin margjinal të huas së Bankës Qendrore Evropiane, gjatë periudhës së mospagimit, plus 3 (tre) %.

6. Efektet financiare, të parashikuara për ekzekutimin e këtij vendimi, përballohen nga fondi rezervë i buxhetit të shtetit, për vitin 2023.

7. Ngarkohet Ministria e Financave dhe Ekonomisë për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës dhe të shkronjës “e”, të nenit 7,                   të ligjit nr.15/2017, “Për arsimin dhe formimin profesional në Republikën e Shqipërisë”, me propozimin e ministrit të Financave dhe Ekonomisë, Këshilli i Ministrave

1. Ky vendim përcakton kriteret dhe procedurat për hapjen, riorganizimin dhe mbylljen e ofruese publikë të arsimit dhe formimit profesional (AFP).

2. Hapja e një ofruesi publik të AFP-së është procesi i ngritjes dhe funksionimit për herë të parë të një shkolle të mesme profesionale, qendre shumëfunksionale të AFP-së apo qendre të formimit profesional.

3. Riorganizimi i një ofruesi publik të AFP-së është procesi i bashkimit me një ose disa ofrues të AFP-së, ndarja në më shumë se një institucion, zgjerimi apo zvogëlimi i objektit të veprimtarisë apo të ofertës së kualifikimeve profesionale.

4. Mbyllja e një ofruesi publik të AFP-së është procesi i mbarimit të funksionimit të një ofruesi të AFP-së.

1. Nisma për hapjen e ofruesit publik të arsimit dhe formimit profesional   merret nga:

a) ministria përgjegjëse për AFP-në;

b) njësitë e vetëqeverisjes vendore;

c) partnerët socialë, përfaqësuesit e komunitetit të biznesit;

ç) institucione të tjera publike, përgjegjëse për zhvillimin e politikave, sektoriale dhe lokale ose të përfaqësuesve të grupeve të tjera të interesit.

2. Propozimi për hapjen e një ofruesi publik të AFP-së, kur është nismë e parashikuar në shkronjat “b”, “c”, “ç”, të pikës 1, të këtij vendimi, shoqërohet me këto dokumente:

a) Argumentimin e domosdoshmërisë së hapjes së ofruesit publik të AFP-së, bazuar në analizën e tregut rajonal të punës;

b) Të dhëna për kontributin e njësisë së vetëqeverisjes vendore;

c) Të dhëna për kontributin e biznesit/partnerëve socialë, ku pritet të hapet institucioni arsimor;

ç) Të dhëna për përmbushjen e kritereve, të parashikuara në kreun III, pika 1, të këtij vendimi;

 d) Kostot financiare dhe burimet njerëzore që parashikohen për hapjen e ofruesit të AFP-së.

3. Propozimi për hapjen ofruesit publik të arsimit profesional, shkollë e mesme profesionale, si dhe qendër shumëfunksionale, paraqitet pranë ministrisë përgjegjëse për AFP-në, të paktën, një vit përpara fillimit të vitit shkollor në rastin kur kërkohet ndërtesë e re dhe 3 (tre) muaj në rastin kur ka godinë.

4. Propozimi për hapjen e ofruesit publik, qendër formimi profesional, paraqitet pranë ministrisë përgjegjëse për AFP-në, në çdo kohë.

5. Propozimi për hapjen e një ofruesi publik të AFP-së, kur është vendimmarrje e ministrisë përgjegjëse për AFP-në, bëhet:

a) në bazë të kërkesës së tregut të punës;

b) kur ndryshojnë kushtet dhe kualifikimi për kategori të caktuara aftësish;

c) në rastin e investimeve të reja dhe/apo teknologjive të reja, që kërkojnë aftësi të reja.

6. Ministria përgjegjëse për AFP-në shqyrton propozimin e dërguar për hapjen e ofruesit publik të arsimit dhe formimit profesional nëpërmjet strukturave përgjegjëse për arsimin dhe formimin profesional, si dhe konsultohet me palën propozuese dhe grupet e interesit, brenda një afati tremujor.

7. Njësia përgjegjëse për AFP-në, pas shqyrtimit të kërkesës, njofton kërkuesin me shkresë zyrtare për pranimin apo refuzimin e saj.

1. Për hapjen e ofruesve publikë të AFP-së duhet të plotësohen kriteret e mëposhtme:

a) Ndërtesa dhe mjediset e saj plotësojnë kushtet për sigurimin e jetës dhe të shëndetit, të përcaktuara nga Ministria e Shëndetësisë dhe Mbrojtjes Sociale;

b) Ndërtesa e shkollës/qendrës, reparteve të praktikës profesionale dhe mjediset e saj plotësojnë standardet, sipas legjislacionit në fuqi;

c) Sigurohen, sipas legjislacionit në fuqi, këto shërbime:

i. furnizim me ujë;

ii. ngrohje;

iii. furnizim me energji elektrike.

ç) Të kenë infrastrukturë didaktike e përshtatshme që plotëson standardet, sipas legjislacionit në fuqi;

d) Standardet që lidhen me kurrikulën mësimore të arsimit dhe formimit profesional dhe standardet e kurrikulës mësimore të arsimit të përgjithshëm, që u ofrohet nxënësve në institucionet publike që ofrojnë arsim të mesëm profesional rregullohen sipas legjislacionit në fuqi, të miratuara nga ministritë përkatëse, sipas fushës së përgjegjësisë shtetërore të tyre;

dh) Numri i nxënësve/kursantëve për klasë është sipas akteve nënligjore të përcaktuara nga ministria përgjegjëse për AFP-në;

e) Ngarkesa mësimore e mësuesve është sipas standardeve të përgjithshme të përcaktuara nga ministria përgjegjëse për AFP-në dhe ministria përgjegjëse për arsimin.

1. Institucionet publike, ofruese të arsimit dhe formimit profesional, riorganizohen:

a) për shkak të përmbushjes së disa qëllimeve ose shtimit të disa qëllimeve të tjera në fushën e kualifikimeve profesionale, sipas niveleve 2-5, të Kornizës Shqiptare të Kualifikimeve;

b) kur lind nevoja e bashkimit të dy a më shumë institucioneve ofruese të AFP-së për rritjen e frytshmërisë së përdorimit të infrastrukturës së tyre;

c) kur lind nevoja e ofrimit të kualifikimeve të reja apo mbylljes së kualifikimeve të ofruara nga një ofrues;

d) për të optimizuar burimet njerëzore, financiare dhe të infrastrukturës;

dh) me kërkesë të organeve të njësive të vetëqeverisjes vendore, në bazë të studimeve të argumentuara;

e) në bazë të kërkesës së banorëve të zonës ku ushtrojnë veprimtarinë, për ofrimin e shërbimeve të ndryshme dhe me struktura të reformuara;

f) kur vlerësohet nevoja për transferim në një zonë tjetër për ushtrimin e veprimtarisë;

g) në çdo rast tjetër, në kuadër të zbatimit të reformave në fushën e politikave punësimit dhe të arsimit dhe formimit profesional.

2. Vendimmarrja e ministrisë përgjegjëse për AFP-në për riorganizimin bazohet në vlerësimet e nevojave për kualifikime profesionale të kryera nga institucionet përgjegjëse në varësi të saj, bazuar në analizën e kushteve social-ekonomike të zonës ku do të ndodhë riorganizimi, performancën e tregut të punës, situatën aktuale dhe prirjet në punësim, sipas profesioneve dhe sektorëve ekonomikë, si dhe në bazë të vlerësimit të performancës dhe të plotësimit të standardeve nga ofruesit ekzistues të AFP-së.

3. Bordet dhe drejtuesit e institucioneve ofruese të AFP-së, njësitë e vetëqeverisjes vendore, partnerët socialë, përfaqësuesit e biznesit të zonës, si dhe përfaqësues të grupeve të tjera të interesit luajnë rol këshillimor në procesin e vlerësimit të nevojës për riorganizim.

4. Riorganizimi për institucionet publike, ofruese të arsimit dhe formimit profesional fillon në përfundim të vitit shkollor.

1. Institucionet publike, ofruese të arsimit dhe formimit profesional, mbyllen kur:

a) kanë përmbushur qëllimin për të cilin janë krijuar ose nuk e përmbushin atë;

b) nuk sigurojnë ofertë të përshtatshme për kërkesat e tregut të punës;

c) frekuentimi/regjistrimet është/janë i ulët/të ulëta (në rënie) për tri vite radhazi dhe nuk justifikon mbajtjen e tyre.

2. Në çdo rast, ministria përgjegjëse për AFP-në bën konsultime me drejtuesit dhe bordin e institucionit, ofruesit e arsimit dhe formimit profesional, njësinë përkatëse të vetëqeverisjes vendore, banorët dhe partnerët socialë.

3. Mbyllja për institucionet publike, ofruese të arsimit profesional, i fillon efektet në përfundim të vitit shkollor, ndërsa për institucionet e formimit profesional, efektet fillojnë me mbylljen e vitit buxhetor.

4. Në urdhrin e mbylljes së institucionit publik, ofrues të arsimit dhe formimit profesional, parashikohen edhe trajtimi i punonjësve që dalin të papunë, trajtimi i nxënësve/kursantëve, arkivimi i dokumentacionit të institucionit dhe destinacioni i mjeteve monetare e materiale, në përfundim të likuidimit përkatës.

5. Në rastin e mbylljes së një institucioni publik, ofrues të arsimit dhe formimit profesional, ministri përgjegjës për AFP-në, ngre një komision të posaçëm, i cili monitoron gjithë procesin e mbylljes, në përputhje me urdhrin përkatës, si dhe ankimimet që mund të mbërrijnë nga palët e interesuara.

1. Vendimi nr.198, datë 4.3.2015, i Këshillit të Ministrave, “Për procedurat e krijimit, riorganizimit dhe mbylljes së institucioneve publike, ofruese të arsimit dhe formimit profesional”, shfuqizohet.

2. Ngarkohen Ministria e Financave dhe Ekonomisë, Agjencia Kombëtare e Punësimit dhe Aftësive, Agjencia Kombëtare e Arsimit, Formimit Profesional dhe Kualifikimeve dhe ofruesit e arsimit dhe formimit profesional për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Arsimit dhe Sportit, Këshilli i Ministrave

Miratimin, në parim, të marrëveshjes, ndërmjet Republikës së Shqipërisë dhe Republikës së Austrisë, Republikës së Bullgarisë, Republikës së Bosnjë-Hercegovinës, Republikës së Kroacisë, Republikës së Çekisë, Hungarisë, Republikës së Moldavisë, Malit të Zi, Republikës së Maqedonisë së Veriut, Republikës së Polonisë, Rumanisë, Republikës së Serbisë, Republikës së Sllovakisë e Republikës së Sllovenisë, për programin e shkëmbimit të Evropës Qendrore për studimet universitare “CEEPUS IV”, sipas tekstit që i bashkëlidhet këtij vendimi dhe është pjesë përbërëse e tij.

Ky vendim hyn në fuqi menjëherë.

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave

1. Miratimin, në parim, të marrëveshjes, ndërmjet Republikës së Shqipërisë, nga njëra anë, dhe Bashkimit Evropian, nga ana tjetër, për pjesëmarrjen e Republikës së Shqipërisë në programin e Bashkimit “Evropa Digjitale” (2021-2027), sipas tekstit që i bashkëlidhet këtij vendimi.

2. Vendimi nr.138, datë 8.3.2023, i Këshillit të Ministrave, “Për miratimin, në parim, të marrëveshjes, ndërmjet  Këshillit të Ministrave të Republikës së Shqipërisë dhe Bashkimit Evropian, për pjesëmarrjen e Shqipërisë në programin e Bashkimit Evropian “Programi i Evropës Dixhitale për periudhën 2021-2027””, shfuqizohet.

Ky vendim hyn në fuqi menjëherë.

Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Financave dhe Ekonomisë, Këshilli i Ministrave

Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe qeverisë së Shtetit të Izraelit, për ndihmën e ndërsjellë në çështjet doganore, sipas tekstit që i bashkëlidhet këtij vendimi.

Ky vendim hyn në fuqi menjëherë.

Në mbështetje të nenit 100 të Kushtetutës dhe të neneve 21, 22/1, 22/3 e 22/4, të ligjit nr.9632, datë 30.10.2006, “Për sistemin e taksave vendore”, të ndryshuar, me propozimin e ministrit të Financave dhe Ekonomisë, Këshilli i Ministrave

1. Anekset 1 dhe 2,  që i bashkëlidhen vendimit nr.132, datë 7.3.2018, të Këshillit të Ministrave, të ndryshuar, zëvendësohen, përkatësisht, me anekset 1 dhe 2, që i bashkëlidhen këtij vendimi.

2. Ngarkohen ministria përgjegjëse për financat, Drejtoria e Përgjithshme e Taksës së Pasurisë dhe njësitë e vetëqeverisjes vendore për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të pikës 5, të nenit 11, të ligjit nr.25/2022, “Për mbështetjen dhe zhvillimin e startup-eve”, të ndryshuar, dhe të nenit 4, të ligjit nr.10325, datë 23.9.2010, “Për bazat e të dhënave shtetërore”, me propozimin e ministrit të Shtetit për Mbrojtjen e Sipërmarrjes, Këshilli i Ministrave

1. Kudo në përmbajtjen e vendimit nr.312, datë 11.5.2022, të Këshillit të Ministrave, fjalët “… ministri përgjegjës për sipërmarrjen …” zëvendësohen me togfjalëshin “STARTUP ALBANIA”.

2. Ngarkohen STARTUP ALBANIA dhe Agjencia Kombëtare e Shoqërisë së Informacionit për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të shkronjës “ç”, të pikës 1, të nenit 90, të ligjit nr.43/2015, “Për sektorin e energjisë elektrike”, të ndryshuar, me propozimin e Zëvendeskryeministrit dhe ministër i Infrastrukturës dhe Energjisë, Këshilli i Ministrave

Në pikën 5, të vendimit nr.584, datë 8.10.2021, të Këshillit të Ministrave, “Për shpalljen e gjendjes së emergjencës në furnizimin me energji elektrike”, të ndryshuar, fjalët “… 30 qershor 2023.” zëvendësohen me “… 31 dhjetor 2023.”.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës dhe të shkronjës “ç”, të pikës 23, të nenit 2, të ligjit nr.10091, datë 5.3.2009, “Për auditimin ligjor, organizimin e profesionit të audituesit ligjor dhe të kontabilistit të miratuar”, të ndryshuar, me propozimin e ministrit të Financave dhe Ekonomisë, Këshilli i Ministrave

Në vendimin nr.17, datë 16.1.2019, të Këshillit të Ministrave, bëhen këto ndryshime:

1. Në nënndarjen III “Klasifikimi për shkak të madhësisë së biznesit” bëhen  ndryshimet, si më poshtë vijon:

a) Në shkronjën “a”, vlera “1 500 000 000 (një miliard e pesëqind milionë) lekë” zëvendësohet me “2 500 000 000 (dy miliardë e pesëqind milionë) lekë”;

b) Në shkronjën “b”, vlera “750 000 000 (shtatëqind e pesëdhjetë milionë) lekë” zëvendësohet me “1 250 000 000 (një miliard e dyqind e pesëdhjetë milionë) lekë”;

c) Në shkronjën “c”, fjalët “… të kësaj pike …” zëvendësohen me “… të kësaj nënndarjeje …”.

2. Shkronja “a”, e nënndarjes IV, “Klasifikimi për shkak të numrit të punëmarrësve të tyre”, shfuqizohet.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të pikës 4, të nenit 25, të ligjit nr.10448, datë 14.7.2011, “Për lejet e mjedisit”, të ndryshuar, me propozimin e ministrit të Turizmit dhe Mjedisit, Këshilli i Ministrave

Në vendimin nr.417, datë 25.6.2014, të Këshillit të Ministrave, “Për miratimin e tarifave të lejeve të mjedisit”, bëhen ndryshimet e mëposhtme:

1. Në pikën 1 bëhen këto ndryshime:

a) Në shkronjën “a”, togfjalëshi “… tipave A, B ose C;” zëvendësohet me “… tipave A dhe B;”;

b) Në shkronjën “c”, togfjalëshi “… tipave A, B dhe C.” zëvendësohet me “… tipave A dhe B.”.

2. Shkronja “c”, e pikës 3, shfuqizohet.

3.  Pika 5 shfuqizohet.

4.  Pika 6 ndryshohet, si më poshtë vijon:

“6.Tarifa vjetore paguhet brenda vitit, duke e identifikuar nëpërmjet numrit të lejes (PN-së) përkatëse. Një kopje e mandatpagesës dorëzohet pranë Agjencisë Kombëtare të Mjedisit dhe Agjencisë Rajonale të Mjedisit ku ndodhet instalimi.”.

5. Në pikën 7, emërtimi “Ministrisë së Mjedisit” zëvendësohet me fjalët  “… ministrisë përgjegjëse për mjedisin …”.

6. Pika 9 ndryshohet, si më poshtë vijon:

“9. Ngarkohen ministria përgjegjëse për mjedisin, Agjencia Kombëtare e Mjedisit, agjencitë rajonale të mjedisit dhe Qendra Kombëtare e Biznesit për zbatimin e këtij vendimi.”.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të ligjit nr.10296, datë 8.7.2010, “Për menaxhimin financiar dhe kontrollin”, të ndryshuar, të ligjit nr.55/2022, “Për shërbimin spitalor në Republikën e Shqipërisë”, të ligjit nr.147/2014, “Për shërbimin e urgjencës mjekësore”, të ligjit nr.64/2014, “Për pushtetet dhe autoritetet e drejtimit dhe të komandimit të Forcave të Armatosura të Republikës së Shqipërisë”, dhe të ligjit nr.80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, me propozimin e ministrit të Shëndetësisë dhe Mbrojtjes Sociale dhe të ministrit të Mbrojtjes, Këshilli i Ministrave

Në vendimin nr.1001, datë 2.12.2015, të Këshillit të Ministrave, “Për integrimin e Spitalit Universitar të Traumës dhe Spitalit Ushtarak të Forcave të Armatosura në një strukturë të bashkuar”, bëhen këto ndryshime:

1. Në bazën ligjore, togfjalëshi “… të ligjit nr.9106, datë 17.7.2003, “Për shërbimin spitalor në Republikën e Shqipërisë” …” zëvendësohet me “… të ligjit nr.55/2022, “Për shërbimin spitalor në Republikën e Shqipërisë” …”.

2.  Pika 5 ndryshohet, si më poshtë vijon:

“5. Struktura organike e integruar e Spitalit Universitar të Traumës hartohet dhe miratohet nga ministri përgjegjës për shëndetësinë dhe ministri i Mbrojtjes, sipas përgjegjësive specifike.”.

3. Kudo në përmbajtjen e vendimit, emërtimet “Ministrisë së  Shëndetësisë”, “Ministria e Shëndetësisë”, “ministri i Shëndetësisë” dhe “ministrit të Shëndetësisë” zëvendësohen, përkatësisht, me fjalët “… ministrisë përgjegjëse për shëndetësinë …”, “… ministria përgjegjëse për shëndetësinë …”,  “… ministri përgjegjës për shëndetësinë …” dhe “… ministrit përgjegjës për shëndetësinë …”.

4.  Pika 15 ndryshohet, si më poshtë vijon:

“15. Ngarkohen ministria përgjegjëse për shëndetësinë dhe Ministria e Mbrojtjes për ndjekjen dhe zbatimin e këtij vendimi.”.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të pikës 9, të nenit 29, të                            ligjit nr.27/2018, “Për trashëgiminë kulturore dhe muzetë”, me propozimin e ministrit të Kulturës, Këshilli i Ministrave

1. Funksionimin  dhe mënyrën e organizimit të Qendrës Rajonale për Konservim dhe Restaurim (në vijim QRKR) pranë Institutit Kombëtar të Trashëgimisë Kulturore.

2. Misioni i QRKR-së është formimi dhe përditësimi i njohurive të restauratorëve dhe të subjekteve të licencuara, sipas legjislacionit për trashëgiminë kulturore, hartimi dhe zbatimi i programeve të kualifikimit të specialistëve në fushën e trashëgimisë kulturore materiale.

3. QRKR-ja e shtrin veprimtarinë në të gjithë territorin e Republikës së Shqipërisë, në këto fusha përgjegjësie:

a) Ofrimin e programeve, trajnimeve, seminareve, kurseve të  formimit profesional në fushën e trashëgimisë kulturore;

b) Ofrimin e programeve të formimit fillestar fizikisht ose nëpërmjet platformave digjitale,  paketës e-learning;

c) Hartimin dhe zbatimin e programeve të kualifikimit në fushën e trashëgimisë kulturore materiale;

ç)  Administrimin e procesit të marrjes së krediteve për përfitimin e licencave profesionale në fushën e trashëgimisë kulturore;

d) Rritjen e ndërgjegjësimit të publikut lidhur me trashëgiminë kulturore, teknikat e konservimit, restaurimit, si dhe menaxhimit të pasurive kulturore materiale.

4. QRKR-ja realizon misionin e parashikuar në shkronjat “a”, “b” dhe “c” nëpërmjet kontraktimit të trajnerëve vendas dhe të huaj. Trajnerët e jashtëm kontraktohen sipas legjislacionit në fuqi.

5. Formimi dhe përditësimi i njohurive të specialistëve, restauratorëve dhe subjekteve të licencuara në fushën e trashëgimisë kulturore janë me ose pa pagesë, sipas përcaktimeve me urdhër të ministrit përgjegjës për trashëgiminë kulturore.

6. Tarifat për formimin dhe përditësimin e njohurive të specialistëve përcaktohen me urdhër të përbashkët të ministrit përgjegjës për trashëgiminë kulturore  dhe ministrit përgjegjës për financat. Të ardhurat e siguruara nga këto tarifa, përdoren për pagesat e trajnerëve të jashtëm.

7. Në buxhetin e Institutit Kombëtar të Trashëgimisë Kulturore, në pjesën për “shpenzime korrente”, miratohet një fond i veçantë buxhetor për realizimin e misionit të QRKR-së.

1. QRKR-ja drejtohet dhe përfaqësohet nga drejtori, i cili organizon dhe drejton veprimtarinë e QRKR-së dhe përgjigjet përpara drejtorit të Përgjithshëm të IKTK-së dhe ministrit përgjegjës për trashëgiminë kulturore.

2. Drejtori i QRKR-së emërohet nga ministri përgjegjës për trashëgiminë kulturore, me propozimin e drejtorit të Përgjithshëm të IKTK-së.

3. QRKR-ja realizon aktivitetin nën monitorimin e IKTK-së dhe në bashkëpunim me:

a) institucionet e tjera në varësi të ministrisë përgjegjëse për trashëgiminë kulturore;

b) organet e administratës qendrore;

c) organet e vetëqeverisjes vendore;

ç) institucionet e tjera shkencore, kulturore, fetare, personat fizikë e juridikë.

4. Marrëdhëniet e punës së drejtorit dhe të punonjësve të QRKR-së rregullohen në bazë të dispozitave të Kodit të Punës së Republikës së Shqipërisë.

5. Statuti dhe rregullorja, që përcaktojnë metodat e brendshme të punës së QRKR-së, miratohen nga ministri përgjegjës për trashëgiminë kulturore.

QRKR-ja ka përgjegjësitë funksionale, si më poshtë vijon:

a) Realizon çdo funksion që lidhet me formimin e vazhdueshëm profesional në fushën e trashëgimisë kulturore materiale;

b) Siguron kushtet për mundësinë e shkëmbimeve të vazhdueshme profesionale, duke ofruar një platformë bashkëpunimi me institucione publike, jopublike, qendra kërkimi shkencor, qendra profesionale, kombëtare dhe ndërkombëtare;

c) Analizon dhe vlerëson nevojat për burime të domosdoshme, si burime njerëzore, financiare, objekte, pajisje, mekanizma financimi, për ofrimin cilësor të formimit dhe përditësimit të njohurive të restauratorëve dhe të subjekteve të licencuara, sipas legjislacionit për trashëgiminë kulturore;

ç) Planifikon organizimin dhe shtrirjen e shërbimeve të formimit dhe përditësimit të njohurive profesionale;

d) Siguron dhe optimizon burimet financiare si dhe planifikon buxhetin në terma afatshkurtër e afatmesëm;

dh) Bashkërendon punën me institucionet përgjegjëse në fushën e trashëgimisë kulturore, si dhe partnerët kombëtarë dhe ndërkombëtarë, për të mbështetur ofrimin me cilësi të funksioneve të përcaktuara në këtë vendim;

e) Ndërton sistemin e menaxhimit të performancës, bazuar në objektiva, si dhe zhvillon e monitoron sistemet e brendshme të vlerësimit;

ë)  Mban dhe përditëson regjistrin me certifikatat e lëshuara;

f) Ka të drejtë, në kuadër të ushtrimit të përgjegjësive funksionale të themelojë, të jetë anëtar ose të marrë pjesë në organet drejtuese të organizatave jofitimprurëse, në përputhje me legjislacionin në fuqi.

1. Qendra ka këto kategori të trajnerëve:

a) trajnerë të brendshëm;

b) trajnerë të jashtëm.

2. Kriteret e përgjithshme për trajnerët e jashtëm, të cilët ofrojnë shërbimet e tyre për Qendrën, bazuar në legjislacionin e zbatueshëm për këtë kategori shërbimesh, janë, si më poshtë vijon:

a) Të punojnë ose të kenë eksperiencë pune në institucionet e specializuara të trashëgimisë kulturore;

b) Të jenë asistent lektor, lektor, profesor;

c) Të kenë ekspertizën që kërkojnë programet specifike të trajnimit.

3. Për zhvillimin e trajnimeve, Qendra lidh me trajnerët e jashtëm kontratë, me objektin e mëposhtëm:

a) Kontratë për trajnimin e specialistëve, në fushën e trashëgimisë kulturore materiale, restauratorëve dhe të subjekteve të licencuara në përputhje me ligjin nr.27/2018;

b) Kontratë për hartimin e kurrikulave dhe materialeve trajnuese;

c) Kontratë për trajnimin e trajnerëve (ToT), kur është e nevojshme.

4. Trajnerët e jashtëm, me të cilët lidhen kontratat, sipas shkronjave “a” dhe “c”, të pikës 3, të këtij vendimi, ndahen në kategoritë e mëposhtme:

a) Trajnerë të jashtëm të kategorisë së ulët janë trajnerët që kanë një diplomë “Master i shkencave” ose “Master i arteve” ose “Master profesional, të përfituar në fund të studimeve të ciklit të dytë, me 120 kredite dhe me kohëzgjatje normale 2 (dy) vite akademike” apo të barasvlershme me to, sipas legjislacionit të arsimit të lartë, dhe 3 (tre) – 5 (pesë) vite përvojë pune në fushën përkatëse, për të cilën do të ofrojnë trajnimin;

b) Trajnerë të jashtëm të kategorisë së mesme janë trajnerët që kanë një diplomë “Master i shkencave” ose “Master i arteve” ose “Master profesional të përfituar në fund të studimeve të ciklit të dytë, me 120 kredite dhe me kohëzgjatje normale 2 (dy) vite akademike” apo të barasvlershme me to, sipas legjislacionit të arsimit të lartë, dhe 6 (gjashtë) – 10 (dhjetë) vite përvojë pune në fushën përkatëse, për të cilën do të ofrojnë trajnimin;

c) Trajnerë të jashtëm të kategorisë së lartë janë trajnerët që kanë një diplomë “Master i shkencave” ose “Master i arteve” ose “Master profesional të përfituar në fund të studimeve të ciklit të dytë, me 120 kredite dhe me kohëzgjatje normale 2 (dy) vite akademike” apo të barasvlershme me to, sipas legjislacionit të arsimit të lartë, dhe mbi 11 (njëmbëdhjetë) vite përvojë pune në fushën përkatëse, për të cilën do të ofrojnë trajnimin.

5. Trajnerë të jashtëm, me të cilët lidhen kontratat e parashikuara në shkronjën “b”, të pikës 3, zgjidhen individët që plotësojnë kriteret për të qenë trajnerë të jashtëm të kategorisë së lartë.

6. Masa e pagesës për trajnerët e jashtëm përcaktohet në kontratë dhe llogaritet në varësi të kategorisë së trajnerit e të orëve të trajnimit, përkatësisht:

a) për kontratat e parashikuara në shkronjat “a” dhe “c”, të pikës 3, të këtij kreu, masa e pagesës për çdo orë trajnimi 60-minutëshe për:

i. trajnerët e jashtëm të kategorisë së ulët të jetë 750 (shtatëqind e pesëdhjetë) lekë;

ii. trajnerët e jashtëm të kategorisë së mesme të jetë 1 000 (një mijë) lekë;

iii. trajnerët e jashtëm të kategorisë së lartë të jetë 1 500 (një mijë e pesëqind) lekë;

b) për kontratat e parashikuara në shkronjën “b”, të pikës 3, të këtij kreu, masa e pagesës për hartimin e kurrikulave apo të materialeve të trajnimit, të nevojshme për zhvillimin e 6 (gjashtë) orëve 60-minutëshe, të jetë 12 000 (dymbëdhjetë mijë) lekë;

c) në rastet e hartimit të kurrikulave apo të materialeve të trajnimit për më pak ose më shumë se 6 (gjashtë) orë trajnimi 60-minutëshe, pagesa llogaritet në përpjesëtim me orët e trajnimit;

ç) në rastet e rishikimit të kurrikulave, pagesa të jetë deri në 50 (pesëdhjetë) % të pagesës  së përcaktuar, sipas shkronjës “b”, të kësaj pike.

1. Qendra bën botime ose publikime në fushat përkatëse.

2. E drejta e autorit për botimet dhe publikimet e kryera, të krijuara nga trajnerët, përfshirë trajnerët e jashtëm apo nga personat që trajnohen nga Qendra, rregullohet në bazë të legjislacionit për të drejtën e  autorit.

1. Ngarkohet Ministria e Kulturës të propozojë ndryshimin e strukturës dhe organikës së Institutit Kombëtar të Trashëgimisë Kulturore, brenda 6 (gjashtë) muajve nga hyrja në fuqi e këtij vendimi.

2. Ngarkohen Ministria e Kulturës, Instituti Kombëtar i Trashëgimisë Kulturore për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 44, të ligjit nr.9936,                   datë 26.6.2008, “Për menaxhimin e sistemit buxhetor në Republikën e Shqipërisë, të ndryshuar, dhe të nenit 17, të ligjit nr.84/2022, “Për buxhetin e vitit 2023”, me propozimin e ministrit të Financave dhe Ekonomisë, Këshilli i Ministrave

1. Në buxhetin e vitit 2023, miratuar për Ministrinë e Financave dhe Ekonomisë, bëhet rishpërndarja e fondeve ndërmjet programeve buxhetore, si më poshtë vijon:

a) Në programin buxhetor “Planifikim, menaxhim, administrim”, në artikullin 602, shtohet fondi prej 56 000 000 (pesëdhjetë e gjashtë milionë) lekësh;

b) Në programin buxhetor “Menaxhimi i shpenzimeve publike”, në artikullin 600, pakësohet fondi prej 24 000 000 (njëzet e katër milionë) lekësh;

c) Në programin buxhetor “Mbështetje për zhvillimin ekonomik”, në artikullin 604, pakësohet fondi prej 32 000 000 (tridhjetë e dy milionë) lekësh.

2. Ngarkohet Ministria e Financave dhe Ekonomisë për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

PËRCAKTIMIN E RREGULLAVE TË HOLLËSISHME    PËR KALIMIN E SË DREJTËS SË PRONËSISË DHE REGJISTRIMIN  E PASURISË SË LEGALIZUAR, PAGESËN, ÇMIMIN FAVORIZUES, KATEGORITË E SUBJEKTEVE QË PËRFITOJNË FALJE, SI DHE ZBRITJET E PËRQINDJET E PËRDORIMIT TË BONOVE TË PRIVATIZIMIT

Në mbështetje të nenit 100 të Kushtetutës dhe të pikës 11, të nenit 22, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”, me propozimin e Kryeministrit, Këshilli i Ministrave

1. Në kuptim të këtij vendimi, me termat e mëposhtëm nënkuptojmë:

a) “Akti i ligjshëm i paregjistruar”, akti administrativ, vendimi gjyqësor, kontrata e kalimit të pronësisë për truallin e ndërtimit pa leje, apo marrëveshja e lidhur ose e vërtetuar përpara noterit, ndërmjet pronarit të ligjshëm/personit të cilit i ka kaluar e drejta e pronësisë mbi truallin dhe poseduesit të ndërtimit pa leje.

b) “Konsola”, sipërfaqja ose volumi ndërtimor i mbështetur në një krah, që zgjatet përtej gjurmës së ndërtimit.

c) “Pronar i pavërtetuar”, shënimi në kartelën e pasurisë së paluajtshme, për të cilën, gjatë regjistrimit për herë të parë të pasurisë, subjekti nuk ka paraqitur titull të vlefshëm për regjistrim.

2. E drejta e pronësisë mbi parcelën ndërtimore të objektit të legalizuar transferohet nëpërmjet aktit administrativ (vendimit të legalizimit), sipas përcaktimeve të nenit 22, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”.

3. Përcaktimet e këtij vendimi, në asnjë rast, nuk cenojnë të drejtën e pronarit joposedues të truallit për kompensim, sipas pikës 1, të nenit 24, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”. Për parcelat ndërtimore që shtrihen në truall privat, në pronësi të të tretëve, kalimi i së drejtës së pronësisë realizohet me hyrjen në fuqi të vendimit të Këshillit të Ministrave për kompensimin e pronarëve joposedues. Deri në atë çast, ndërtimi regjistrohet pa marrëdhënie me truallin.

4. Kur Agjencia Shtetërore e Kadastrës ka përfunduar procedurën e kalimit të pronësisë mbi parcelën ndërtimore sipas ligjit nr.20/2020, “Për përfundimin e proceseve kalimtare të pronësisë në Republikën e Shqipërisë” dhe sipas këtij vendimi, dhe më pas ka pretendime pronësie të mbështetur në titull të paregjistruar dhe më të hershëm, atëherë kryhen procedurat e kompensimit të pronarit joposedues.

1. Konfigurimi dhe sipërfaqja e parcelës ndërtimore të ndërtimit të legalizuar përcaktohen nga Agjencia Shtetërore e Kadastrës, referuar evidentimit në terren, në përputhje me kufizimet e sipërfaqes, të përcaktuara në pikën 3, të nenit 22, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”.

2. Konfigurimi, të dhënat e sipërfaqes së parcelës ndërtimore, si dhe gjendja juridike e pasurisë për të cilën kalon pronësia, pasqyrohen në genplan dhe vendimmarrjen e ndërtimit që legalizohet.

3. Kalimi i së drejtës së pronësisë dhe miratimi i masës së kompensimit financiar zbatohen pavarësisht se parcela ndërtimore u përket anëtarëve të familjes të poseduesit të ndërtimit të legalizuar apo personave me të cilët ai ka lidhje fisnore/gjinore. Bën përjashtim rasti kur pasuria përfshihet në bashkësinë ligjore të poseduesit, sipas përcaktimeve të Kodit të Familjes.

4. Nëse poseduesi është bashkëpronar në pasurinë ku ndodhet ndërtimi pa leje, për rregullimin e pronësisë në parcelën ndërtimore zbatohen këto rregulla:

a) Kur pjesët takuese ideale të bashkëpronësisë janë të papërcaktuara, ato prezumohen të barabarta (në përpjesëtim me numrin e të gjithë bashkëpronarëve);

b) Pjesa takuese ideale e poseduesit llogaritet në sipërfaqen e parcelës ndërtimore. Nëse, pas kësaj, nuk plotësohet sipërfaqja e parcelës ndërtimore, për sipërfaqen e mbetur të saj kryhet kalimi i pronësisë në favor të poseduesit, si dhe kompensimi i bashkëpronarëve të tjerë, sipas pjesëve të tyre ideale;

c) Mosmarrëveshjet për ndarjen e parcelës dhe për masën e pjesëve takuese zgjidhen nga gjykata.

5. Nëse një nga bashkëposeduesit e ndërtimit të legalizuar është pronar i vetëm i parcelës ndërtimore, nga Agjencia Shtetërore e Kadastrës miratohet bashkëpronësia mbi të, duke u transferuar poseduesve të tjerë pjesët takuese (ideale) të parcelës. Regjistrimi në regjistrat kadastralë i së drejtës së pronësisë mbi parcelën dhe pjesët takuese nga Agjencia Shtetërore e Kadastrës kryhet brenda 10 (dhjetë) ditëve nga data e hyrjes në fuqi të vendimit të Këshillit të Ministrave, për kompensimin e pronarëve joposedues.

6. Kur konstatohet se ndodhemi përpara rasteve të parashikuara në pikat 3, 4 dhe 5, të këtij vendimi, Agjencia Shtetërore e Kadastrës përpara miratimit të vendimmarrjes për legalizim, njofton subjektin posedues të ndërtimit pa leje, për mundësinë e dorëzimit të marrëveshjes civile mbi rregullimin e raporteve të pronësisë për parcelën ndërtimore. Nëse subjekti nuk paraqet dokumentacionin e parashikuar në këtë pikë, vijohet me procedurat sipas pikave 3, 4 dhe 5, të këtij kreu.

7. Kur parcela ndërtimore shtrihet mbi pasuri të paluajtshme, që referuar të dhënave të regjistrit kadastral rezultojnë si “pronar i pavërtetuar” (PPV), Agjencia Shtetërore e Kadastrës miraton vendimmarjen për legalizim, si për rastin kur pronësia mbi parcelën rezulton shtetërore.

8. Kur parcela ndërtimore shtrihet në pronë private të të tretëve, drejtoritë vendore të ASHK-së dërgojnë propozimet për masën dhe vlerën e kompensimit financiar të pronarëve joposedues, pranë drejtorisë së përgjithshme të ASHK-së, brenda 60 (gjashtëdhjetë) ditëve nga vendimmarrja për legalizim. Kjo e fundit përcjell në Këshillin e Ministrave, për miratim, masën dhe vlerën e kompensimit.

Regjistrimi në regjistrat kadastralë nga ASHK-ja kryhet brenda 10 (dhjetë) ditëve nga data e hyrjes në fuqi të vendimit të Këshillit të Ministrave për kompensimin e pronarëve joposedues.

9. Si rregull, për shtesat në ndërtim të regjistruar në regjistrat kadastralë, kalimi i së drejtës së pronësisë zbatohet vetëm për sipërfaqen e gjurmës së shtesës. Përjashtimisht, kur ndërtimi i regjistruar, që trajtohet në kuadër të shtesës, nuk ka të zgjidhura marrëdhëniet mbi truallin, atëherë kalimi i pronësisë do të kryhet edhe për të, sipas sipërfaqes së gjurmës së ndërtimit të regjistruar.

10. Konsolat, sipas përkufizimit të dhënë në shkronjën “b”, të pikës 1, të kreut I, të këtij vendimi, nuk përfitojnë parcelë ndërtimore.

11. Për ndërtimet e llojit “shtesë në lartësi”, në pallate të regjistruara, kur poseduesi i shtesës nuk është pronar i njësisë ndërtimore në objektin ekzistues, me vendimmarrjen për legalizim miratohet e drejta e pronësisë për pjesën takuese ideale të truallit në hapësirën e përbashkët (në bashkëpronësi të detyrueshme), si dhe kompensimi i banorëve të tjerë, sipas procedurave të këtij vendimi.

12. Kur poseduesi i ndërtimit pa leje nuk është pronar i truallit dhe kjo pronë rezulton e sekuestruar sipas nenit 560, të Kodit të Procedurës Civile, ekzekutimi i detyrueshëm, në këtë rast, vijon mbi shumën e kompensimit financiar dhe Agjencia Shtetërore e Kadastrës njofton përmbaruesin gjyqësor për ekzekutimin.

Në seksionin e veçantë të vendimit të Këshillit të Ministrave pasqyrohen shënimet për ekzekutimin e detyrueshëm mbi shumën e kompensimit financiar. Kjo shumë vendoset në një llogari bankare të posaçme sipas përcaktimeve të pikës 3, të nenit 24, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”, dhe ajo nuk mund të vendoset në dispozicion të subjektit përfitues (debitorit) pa përfunduar procedura e ekzekutimit të detyrueshëm.

13. Kur për truallin e parcelës ndërtimore ka mbivendosje të disa titujve të pronësisë, vendimi i Këshilli të Ministrave për masën dhe vlerën e kompensimit financiar miratohet pa përcaktuar subjektin përfitues. Vlera e kompensimit financiar vendoset në një llogari bankare të posaçme nga Agjencia e Trajtimit të Pronave dhe vihet në dispozicion të subjektit që do të rezultojë përfitues nga vendimi gjyqësor i formës së prerë, që zgjidh mbivendosjen.

14. Kur parcela ndërtimore disponohet sipas një akti të ligjshëm, por të paregjistruar, poseduesi i ndërtimit pa leje duhet të depozitojë për regjistrim sipas ligjit nr.111/2018, “Për kadastrën”, aktin përkatës, brenda 5 (pesë) ditëve nga data e evidentimit në terren. Në këtë rast, zbatohen rregullat e parashikuara në pikën 2, të nenit 25, të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”.

1. Çmimi i shitjes së parcelës ndërtimore për ndërtimet pa leje me funksion banimi (përfshirë dhe shtesat në ndërtime me leje) llogaritet si përqindje mbi vlerën e pronës, sipas llojit “tokë truall”, të miratuar me vendim të Këshillit të Ministrave.

2. Për ndërtimet pa leje me funksion banimi, çmimi i shitjes për një metër katror është 50% e vlerës së përcaktuar për pasurinë “tokë truall”, në njësinë administrative dhe zonën kadastrale përkatëse.

Për ndërtimet pa leje të ndërtuara brenda territorit të njësive administrative fshat, kur çmimi për metër katror i përllogaritur sipas kësaj pike është më i vogël se 400 (katërqind) lekë apo më i madh se 1 500 (një mijë e pesëqind) lekë, çmimi që aplikohet për shitjen e parcelës ndërtimore do të jetë në këto vlera kufi.

Për ndërtimet pa leje, të ndërtuara brenda territorit të njësive administrative qytet, kur çmimi për metër katror i përllogaritur sipas kësaj pike është më i vogël se 500 (pesëqind) lekë apo më i madh se 2 000 (dy mijë) lekë, çmimi që aplikohet për shitjen e parcelës ndërtimore do të jetë në këto vlera kufi.

Për shtesat në ndërtime me leje, me funksion banimi, pavarësisht nga territori ku ato janë ngritur, kur çmimi për metër katror i përllogaritur sipas kësaj pike është më i vogël se 1 000 (një mijë) lekë apo më i madh se 3 000 (tre mijë) lekë, çmimi që aplikohet për sipërfaqen përkatëse do të jetë në këto vlera kufi.

3. Agjencia Shtetërore e Kadastrës njofton subjektin përfitues për kryerjen e pagesave për parcelën ndërtimore, jo më vonë se 30 (tridhjetë) ditë nga data e evidentimit në terren të ndërtimit pa leje. Njoftimi përmban vlerën e pagesës, mundësinë për pagesë në pjesë, si dhe afatet e shlyerjes dhe dërgohet tek subjekti nëpërmjet portalit “e-Albania” ose në rrugë postare (kur mungojnë të dhënat personale (ID) të subjektit).

4. Kur njoftimi nuk mund të dërgohet në rrugë postare, për shkak të mungesës së adresës, apo kur subjekti refuzon të marrë në dorëzim njoftimin, ai afishohet për 30 (tridhjetë) ditë në një vend të dukshëm, pranë njësisë administrative, në ambientet e drejtorisë vendore të Agjencisë Shtetërore të Kadastrës, ku ndodhet ndërtimi pa leje, si dhe publikohet në faqen zyrtare të ASHK-së. Llogaritja e afatit për pagesën, në këtë rast, fillon të nesërmen e ditës së fundit të afishimit.

5. Shlyerja e vlerës së parcelës ndërtimore nga poseduesi i ndërtimit pa leje bëhet pas njoftimit me shkrim nga Agjencia Shtetërore e Kadastrës. Nëse shlyerja bëhet brenda 30 (tridhjetë) ditëve nga data e marrjes dijeni për njoftimin, përfitohet zbritje prej 20% nga vlera e mbetur e detyrimit, pavarësisht nga funksioni i ndërtimit pa leje.

Kjo zbritje përfitohet edhe për vlerën e parcelës ndërtimore për objektet e dyta pa leje, sipas përcaktimeve të nenit 23, të ligjit nr.20/2020, “Për proceset kalimtare të pronësisë në Republikën e Shqipërisë”. Në kuptim të kësaj pike, vlerë e mbetur e detyrimit konsiderohet ajo e përftuar pas zbritjes me 50% në bono privatizimi.

6. Për ndërtimet pa leje me funksion social-ekonomik, pagesa e vlerës së parcelës ndërtimore duhet të bëhet brenda 30 (tridhjetë) ditëve nga data e marrjes dijeni për njoftimin.

7. Kur poseduesi i ndërtimit pa leje nuk shlyen brenda afatit vlerën e parcelës ndërtimore, ndërtimi i legalizuar dhe parcela do të regjistrohen me hipotekë ligjore. Fshirja e hipotekës ligjore kryhet pas paraqitjes së kërkesës, në përputhje me vendimin nr.389, datë 13.5.2020, të  Këshillit të Ministrave, “Për miratimin e listës dhe të tarifave të shërbimeve kadastrale”, të ndryshuar.

8. Të drejtat, detyrimet dhe procedurat e parashikuara në krerët IV e V, të këtij vendimi, zbatohen si për objektet pa leje edhe për shtesat në ndërtime me leje, që i nënshtrohen kalimit të pronësisë mbi parcelën ndërtimore.

1. Detyrimi financiar për vlerën e parcelës ndërtimore falet me paraqitjen e dëshmisë zyrtare përkatëse, për kategoritë, si më poshtë vijon:

a) Poseduesit e ndërtimeve pa leje që kanë statusin e invalidit paraplegjik, në kuptim të ligjit nr.8626, datë 22.6.2000, “Për statusin e invalidit paraplegjik dhe tetraplegjik”, të ndryshuar;

b) Poseduesit e ndërtimeve pa leje që kanë statusin e invalidit tetraplegjik, në kuptim të ligjit nr.8626, datë 22.6.2000, “Për statusin e invalidit paraplegjik dhe tetraplegjik”, të ndryshuar;

c) Poseduesit e ndërtimit pa leje që kanë statusin e të verbrit, sipas ligjit nr.8098, datë 28.3.1996, “Për statusin e të verbrit”, të ndryshuar.

2. Përfitojnë falje të pjesshme, në masën 50% nga vlera e llogaritur e parcelës ndërtimore, në bazë të kreut III, të këtij vendimi, me paraqitjen e dëshmisë zyrtare, subjektet e mëposhtme:

a) Poseduesit e ndërtimeve pa leje që kanë në përbërje familjare persona me statusin e invalidit para dhe tetraplegjik;

b) Poseduesit e ndërtimeve pa leje që kanë në përbërje familjare persona me statusin e të verbrit;

c) Poseduesit e ndërtimeve pa leje që kanë në përbërje familjare persona me statusin e invalidit të punës ose që kanë bashkëshortë me këtë status, në kuptim të ligjit nr.7889, datë 14.12.1994, “Për statusin e invalidëve të punës”, të ndryshuar;

ç) Poseduesit e ndërtimeve pa leje, që kanë statusin e dëshmorit të

atdheut/familjarët e tyre, në kuptim të ligjit nr.109/2018, “Për statusin e dëshmorëve të atdheut”;

d) Poseduesit e ndërtimeve pa leje, që përfshihen në kategorinë “familjet

njëprindërore që kanë në ngarkim fëmijë”, ku përfshihen edhe vajzat nëna;

dh) Poseduesit e ndërtimeve pa leje, që kanë mbushur moshën e pensionit.

3. Poseduesit e ndërtimeve pa leje, që janë subjekte të ndihmës ekonomike, në kuptim të ligjit nr.57/2019, “Për asistencën sociale në Republikën e Shqipërisë”, përfitojnë falje të pjesshme në masën 30% nga vlera e parcelës e llogaritur në bazë të kreut III, të këtij vendimi.

4. Subjektet e parashikuara në pikat 1, 2 dhe 3, të këtij kreu, përfitojnë vetëm një herë faljen për parcelën ndërtimore, cilido qoftë funksioni i ndërtimit. Lehtësitë, sipas pikave të mësipërme, përfitohen për ato ndërtime për të cilat nuk është shlyer ende detyrimi financiar për parcelën ndërtimore.

5. Përfitojnë nga parashikimet e pikave 1, 2 dhe 3, të këtij kreu, edhe subjektet me status të veçantë, të cilat nuk janë aplikuese për legalizim, por u janë njohur të drejtat mbi ndërtimin pa leje me vendim gjyqësor të formës së prerë apo me akte të trashëgimisë.

6. Nuk përfitojnë lehtësitë, për shkak të statusit të veçantë, të parashikuara në pikat 1, 2 dhe 3, të këtij kreu, subjektet të cilat nuk janë aplikuese për legalizim, por u janë njohur të drejtat mbi ndërtimin pa leje përmes një veprimi juridiko-civil me akt noterial për kalimin e së drejtës së legalizimit apo deklaratës noteriale të aplikuesit.

7. Bashkësitë fetare, që kanë lidhur marrëveshje me Këshillin e Ministrave, për objektet e kultit, institucionet e arsimit parashkollor, parauniversitar dhe universitar, objektet me destinacion për shërbime sociale a shëndetësore, përjashtohen nga pagesa për parcelën ndërtimore, në përputhje me nenin 12, të ligjit nr.10140, datë 15.5.2009, “Për financimin nga buxheti i shtetit të bashkësive fetare, që kanë nënshkruar marrëveshje me Këshillin e Ministrave”.

8. Pagesa e detyrimit financiar për parcelën ndërtimore, pavarësisht nga funksioni i objektit pa leje, mund të kryhet:

a) në lekë, në vlerë të plotë monetare;

b) me bono privatizimi, deri në 50% të vlerës së parcelës.

1. Kur është i nevojshëm ndryshimi i vendimeve të Këshillit të Ministrave, që kanë të përcaktuar masën dhe vlerën e kompensimit financiar, në rastin e zvogëlimit të sipërfaqes për kompensim, çmimi që do të përdoret për llogaritjen e vlerës së kompensimit financiar do të jetë ai i përdorur në vendimin fillestar të Këshillit të Ministrave. Në rastin e zmadhimit të masës (sipërfaqes) së kompensimit, çmimi që do të përdoret, për pjesën e sipërfaqes shtesë, do të jetë ai i përcaktuar në bazë të vlerës së pronës, të miratuar me vendim të Këshillit të Ministrave në fuqi në momentin e ndryshimit.

2. Kufizimet e vendosura në parcelat ndërtimore, sipas pikës 2, të nenit 75, të ligjit nr.33/2012, “Për regjistrimin e pasurive të paluajtshme”, të shfuqizuar, për arsye që lidhen me vlefshmërinë e titullit të pronësisë, nuk pengojnë kalimin e së drejtës së pronësisë dhe miratimin e masës e të vlerës së kompensimit financiar.

Në këto raste, vlera e kompensimit financiar vendoset nga Agjencia e Trajtimit të Pronave në një llogari bankare të posaçme dhe nuk mund të disponohet nga subjekti përfitues pa zgjidhjen e shkakut të kufizimit në rrugë administrative apo gjyqësore. Kufizimi pasqyrohet në vendimin e Këshillit të Ministrave, në një seksion të veçantë, për efekt të zbatimit të vendimit nga Agjencia e Trajtimit të Pronave.

3. Pas hyrjes në fuqi të këtij vendimi, për parcelat ndërtimore që ndodhen në toka bujqësore, të fituara nëpërmjet akteve të marrjes së tokës në pronësi (AMTP), Agjencia Shtetëtore e Kadastrës kryen kalimin e pronësisë dhe miratimin e masës dhe vlerës së kompensimit financiar, pasi të jetë regjistruar më parë AMTP-ja në regjistrat kadastralë, sipas ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”, dhe vendimit nr.1174, datë 24.12.2020, të Këshillit të Ministrave, “Për procedurën e regjistrimit të AMTP-ve, saktësimin e kufijve e sipërfaqeve, si dhe normat për sipërfaqet shtetërore shtesë e pronat shërbyese”.

4. Për parcelat ndërtimore që shtrihen në prona të të tretëve, për të cilat është miratuar akti administrativ (leja e legalizimit), para hyrjes në fuqi të ligjit nr.20/2020, “Për përfundimin e proceseve kalimtare të pronësisë në Republikën e Shqipërisë”, Agjencia Shtetërore e Kadastrës, brenda 6 (gjashtë) muajve nga hyrja në fuqi e këtij vendimi, dërgon propozimet për miratimin e masës dhe vlerës së kompensimit financiar të pronarëve joposedues.

5. Vendimet e Këshillit të Ministrave nr.465, datë 22.6.2016, “Për përcaktimin e procedurave dhe rregullave për kalimin e së drejtës së pronësisë mbi parcelën ndërtimore të objekteve informale”, të ndryshuar, dhe nr.488, datë 22.7.2014, “Për përcaktimin e çmimit favorizues të shitjes së parcelës ndërtimore për ndërtimet pa leje me funksion banimi dhe të përzier, të subjekteve që përfitojnë falje të pagesës, si dhe të mënyrës e afateve të pagesës”, të ndryshuar, shfuqizohen.

6. Ngarkohen Agjencia Shtetërore e Kadastrës dhe Agjencia e Trajtimit të Pronave për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të pikës 4, të nenit 7, të ligjit nr.89/2022, “Për Policinë Bashkiake”, me propozimin e ministrit të Brendshëm, Këshilli i Ministrave

1. Miratimin e rregullores kuadër të Policisë Bashkiake, sipas tekstit që i bashkëlidhet këtij vendimi dhe është pjesë përbërëse e tij.

2. Urdhri i përbashkët nr.27-1, datë 18.4.2003, i ministrit të Pushtetit Vendor dhe Decentralizimit dhe ministrit të Rendit Publik, “Për miratimin e rregullores së brendshme “tip” të Policisë Bashkiake e të Komunës”, shfuqizohet.

3. Ngarkohen njësitë e vetëqeverisjes vendore për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të nenit 15/1, të ligjit nr.105/2014, “Për barnat dhe shërbimin farmaceutik”, të ndryshuar, me propozimin e ministrit të Shëndetësisë dhe Mbrojtjes Sociale,  Këshilli i Ministrave

Në rregulloren e miratuar me vendimin nr.299, datë 8.4.2015, të Këshillit të Ministrave, “Për miratimin e rregullores për dhënien e autorizimit të tregtimit të barnave e të klasifikimit të tyre në Republikën e Shqipërisë”, të ndryshuar, bëhen këto ndryshime dhe shtesa:

1. Kudo në rregullore, fjala “… aplikim …” zëvendësohet me  “… kërkesë …” dhe fjala “… aplikant …” zëvendësohet me “… kërkues …”.

2. Në nenin 28 bëhen ndryshimet, e mëposhtme:

a) Titulli i nenit “Produktet bimore mjekësore” zëvendësohet me “Produktet tradicionale bimore”.

b) Në pikën 1 bëhen këto ndryshime:

i. Fjalia hyrëse ndryshohet, si më poshtë vijon:

 “Procedura e pajisjes me autorizim tregtimi për produktet tradicionale bimore zbatohet për produktet tradicionale bimore, të cilat përmbushin të gjitha kriteret e mëposhtme:”

ii. Shkronja “ç”, ndryshohet, si më poshtë vijon:

“ç) periudha e përdorimit tradicional ka përfunduar;”

iii. Pas shkronjës “ç” shtohet shkronja “d”, me këtë përmbajtje:

“d) të dhënat për përdorimin tradicional të produktit janë të mjaftueshme, në veçanti duhet të jetë provuar se produkti nuk është i dëmshëm në kushte të veçanta përdorimi dhe efektet farmakologjike ose efektshmëria e tij është e besueshme, bazuar në përvojë dhe në kohën e gjatë të përdorimit.”.

3. Neni 29 ndryshohet si më poshtë vijon:

“Neni 29

1. Dispozitat e këtij Kapitulli zbatohen për produktet tradicionale bimore të cilat përmbushin kriteret e parashikuara në nenin 28, të kësaj rregulloreje.

2. Prania e vitaminave ose mineraleve në barin me prejardhje bimore, për sigurinë e të cilave ekzistojnë të dhëna të plota dhe të dokumentuara, nuk përbën pengesë për regjistrimin e produktit në përputhje me nenin 28, të kësaj rregulloreje, me kusht që veprimi i vitaminave ose mineraleve të jetë ndihmës në veprimin e lëndëve vepruese të barit me prejardhje bimore, e lidhur kjo me indikimin/indikimet e caktuara të deklaruara.

3. Në rastet kur Agjencia Kombëtare e Barnave dhe e Pajisjeve Mjekësore vlerëson se një produkt tradicional bimor plotëson kriteret për autorizim, në përputhje me dispozitat e kapitujve I, II dhe III, të kësaj rregulloreje dhe vendimit nr.664, datë 13.10.2022, të Këshillit të Ministrave, “Për miratimin e rregullave procedurale të marrjes së autorizimit të tregtimit të barnave homeopatike”, dispozitat e këtij kapitulli nuk do të zbatohen.”.

4. Neni 30 shfuqizohet.

5. Në nenin 31 bëhen këto ndryshime:

a) Në pikën 1, fjalia e parë ndryshohet, si më poshtë vijon:

“Një produkt tradicional bimor tregtohet në vendin tonë nëse ka dëshmi bibliografike ose ekspertizë, që produkti tradicional bimor në fjalë apo një produkt korrespondues me të është në përdorim mjekësor gjatë një periudhe prej të paktën 30 (tridhjetë) vjetësh para datës së kërkesës, prej të cilave të paktën 15 (pesëmbëdhjetë) vite brenda Komunitetit Evropian.”.

b) Pika 2 ndryshohet, si më poshtë vijon:

“2. Për të provuar përdorimin e produktit tradicional bimor gjatë periudhës prej të paktën 30 (tridhjetë) vjetësh para datës së kërkesës, prej të cilave të paktën 15 (pesëmbëdhjetë) vite brenda Komunitetit Evropian, kërkuesi paraqet:

a) një dëshmi të përdorimit të produktit për një periudhë prej të paktën 30 (tridhjetë) vjetësh para datës së kërkesës në vende brenda apo jashtë Komunitetit Evropian;

b) një dëshmi të përdorimit të produktit prej të paktën 15 (pesëmbëdhjetë) vjetësh brenda Komunitetit Evropian.”.

c) Në pikën 4, shkronja “dh”, ndryshohet, si më poshtë vijon:

“dh) dëshmi bibliografike ose ekspertizë që produkti tradicional bimor apo një produkt korrespondues me të është në përdorim mjekësor gjatë një periudhe prej të paktën 30 (tridhjetë) vjetësh para datës së kërkesës, prej të cilave të paktën 15 (pesëmbëdhjetë) vite brenda Komunitetit Evropian.”.

ç) Në pikën 5, shkronjat “dh” dhe “e” shfuqizohen.

6. Në nenin 35 bëhen këto ndryshime:

a) Në pikën 3 bëhen ndryshimet, si më poshtë vijon:

i. Në fjalinë e parë, togfjalëshi “… brenda 210 (dyqind e dhjetë) ditësh pas fillimit të procedurës …” zëvendësohet me “… brenda 120 (njëqind e njëzet) ditësh nga data e fillimit të procedurës …”;

ii. Në shkronjën “c”, togfjalëshi “… brenda 60 (gjashtëdhjetë) ditëve …” zëvendësohet me “… brenda 30 (tridhjetë) ditëve …”;

iii. Në shkronjën “ç”, togfjalëshi “… periudha 60 (gjashtëdhjetë) – ditëshe mund të zgjatet deri në 120 (njëqind e njëzet) ditë …” zëvendësohet me “… periudha 30 (tridhjetë) ditëshe mund të zgjatet deri në 90 (nëntëdhjetë) ditë …”.

b) Në pikën 4, togfjalëshi “… brenda 60 (gjashtëdhjetë) ditëve …” zëvendësohet me “… brenda 30 (tridhjetë) ditëve …”.

7. Ngarkohen Ministria e Shëndetësisë dhe Mbrojtjes Sociale dhe Agjencia Kombëtare e Barnave dhe Pajisjeve Mjekësore për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të nenit 11, të ligjit nr.10448, datë 14.7.2011, “Për lejet e mjedisit”, të ndryshuar, me propozimin e ministrit të Turizmit dhe Mjedisit, Këshilli i Ministrave

I. Në vendimin nr.419, datë 25.6.2014, të Këshillit të Ministrave, “Për miratimin e kërkesave të posaçme për shqyrtimin e kërkesave për  leje mjedisi të tipave A, B dhe C, për transferimin e lejeve nga një subjekt te tjetri, të kushteve për lejet respektive të mjedisit, si dhe rregullave të hollësishme për shqyrtimin e tyre nga autoritetet kompetente deri në lëshimin e këtyre lejeve                              nga QKB-ja”, të ndryshuar, bëhen ndryshimet dhe shtesat e mëposhtme:

1. Në titull dhe kudo në përmbajtjen e vendimit, togfjalëshi “A, B dhe C”/ “A, B ose C” zëvendësohet me “A dhe B”.

2. Kudo në përmbajtjen e vendimit:

a) emërtimet “Inspektoratin/it Shtetëror të Mjedisit, Pyjeve dhe Ujërave (ISHMPU)” dhe “Inspektoratin/it Shtetëror të Mjedisit, Pyjeve dhe Ujërave” hiqen;

b) togfjalëshi “… në pikën 13, të kreut V …” zëvendësohet me “… në pikën 13, të kreut VI …”;

c) emërtimi “Ministria e Mjedisit” zëvendësohet me fjalët “… ministria përgjegjëse për mjedisin …”.

3. Në kreun II bëhen këto ndryshime dhe shtesa:

a) Në pikën 1 bëhen ndryshimet e mëposhtme:

i. Fjalia hyrëse ndryshohet, si më poshtë vijon:

“1. Kërkuesi që aplikon në Qendrën Kombëtare të Biznesit (QKB) nëpërmjet portalit “e-Albania”, për pajisjen me leje mjedisi të tipit A, duhet të dorëzojë këto dokumente:”.

ii. Shkronja ”c”,  ndryshohet, si më poshtë vijon:

“c) Çdo dokument tjetër i nevojshëm që vërteton deklarimet në formularin informues, që kërkuesi i lejes kërkon të merret parasysh gjatë shqyrtimit të aplikimit;”.

b) Pas pikës 1.1 shtohen pikat 1.2 dhe 1.3, me këtë përmbajtje:

“1.2. AKM-ja brenda 7 (shtatë) ditëve pune nga data e marrjes së aplikimit nga QKB-ja për leje mjedisi të tipit A shqyrton kërkesën dhe verifikon nëse dokumentacioni është depozituar saktë dhe i plotë sipas pikës 1, të këtij kreu. Në rast se konstaton se dokumentacioni i depozituar nga kërkuesi nuk është i plotë apo ka pasaktësi, e njofton atë përmes portalit “e-Albania”, duke i kërkuar plotësimin e dokumentacionit dhe të pasaktësive të konstatuara, brenda 10 (dhjetë) ditëve pune nga dita e njoftimit.

1.3. Mosplotësimi i dokumentacionit të kërkuar brenda afatit, të përcaktuar në pikën 2, të këtij kreu, përbën shkak për mospranimin e kërkesës, e cila në këtë rast quhet se nuk është regjistruar. Kërkuesi njoftohet përmes portalit “e-Albania” për arsyet e mospranimit dhe kërkesa i kthehet bashkë me aktet e tjera.”.

c)  Pikat 2, 3 dhe 4 ndryshohen, si më poshtë vijon:

“2. AKM-ja kur vlerëson se dokumentacioni është i plotë, sipas pikës 1, të këtij kreu, brenda 7 (shtatë) ditëve pune, ia përcjell atë institucioneve të mëposhtme, të cilat japin mendimin e tyre brenda 7 (shtatë) ditëve pune:

a) Drejtorive teknike në ministrinë përgjegjëse për mjedisin, sipas specifikave të instalimit;

b) Agjencisë Rajonale të Mjedisit (ARM);

c) Ministrive të linjës dhe strukturave të varësisë, sipas fushës së veprimtarisë që lidhen me specifikat e instalimit;

ç) Njësive të vetëqeverisjes vendore, sipas juridiksionit territorial ku ndodhet instalimi.

3.Nëse institucionet e përcaktuara në pikën 2, të këtij kreu, nuk shprehen brenda afatit, AKM-ja vijon me procedurën e shqyrtimit të kërkesës për leje të mjedisit të tipit A.

4.AKM-ja pas mbledhjes së mendimeve nga institucionet e përmendura në pikën 2, të këtij kreu, ose pas kalimit të afatit të përcaktuar në pikën 2, harton brenda 10 (dhjetë) ditëve pune aktin e miratimit ose refuzimit për dhënien ose jo të lejes së mjedisit të tipit A, të shoqëruar me argumentet përkatëse dhe e dërgon te ministri.”.

ç) Në pikën 6, fjalët “… brenda afatit të përcaktuar në këtë vendim …” zëvendësohen me “… brenda 2 (dy) ditëve nga data e marrjes dijeni së aktit të miratimit ose refuzimit të lejes së mjedisit të tipit A …”.

d) Në pikën 12, togfjalëshi “… është 60 (gjashtëdhjetë) ditë pune.” zëvendësohet me “… është 43 (dyzet e tre) ditë pune.”.

4. Në kreun III bëhen ndryshimet dhe shtesat e mëposhtme:

a)  Në pikën 1 bëhen këto ndryshime:

i. Fjalia hyrëse ndryshohet, si më poshtë vijon:

“1. Kërkuesi, që aplikon në Qendrën Kombëtare të Biznesit (QKB) nëpërmjet portalit “e-Albania” për pajisjen me leje mjedisi të tipit B, duhet të dorëzojë këto dokumente:”.

ii. Shkronja “c”, ndryshohet, si më poshtë vijon:

“c) Çdo dokument tjetër i nevojshëm,  që vërteton deklarimet në formularin informues që kërkuesi i lejes kërkon të merret parasysh gjatë shqyrtimit të aplikimit;”.

b)  Pas pikës 1.1 shtohen pikat 1.2 dhe 1.3, me këtë përmbajtje:

“1.2. AKM-ja brenda 5 (pesë) ditëve pune nga data e marrjes së aplikimit nga QKB-ja për leje mjedisi të tipit B shqyrton kërkesën dhe verifikon nëse dokumentacioni është depozituar saktë dhe i plotë, sipas pikës 1, të këtij kreu. Në rast se konstaton se dokumentacioni i depozituar nga kërkuesi nuk është i plotë apo ka pasaktësi, e njofton atë përmes portalit “e-Albania”, duke i kërkuar plotësimin e dokumentacionit dhe të pasaktësive të konstatuara brenda  5 (pesë) ditëve pune nga dita e njoftimit.

1.3. Mosplotësimi i dokumentacionit të kërkuar brenda afatit të përcaktuar në pikën 2, të këtij kreu, përbën shkak për mospranimin e kërkesës, e cila, në këtë rast, quhet se nuk është regjistruar. Kërkuesi njoftohet përmes portalit “e-Albania” për arsyet e mospranimit dhe kërkesa i kthehet bashkë me aktet e tjera.”.

c)  Pikat 2, 3 dhe 4 ndryshohen, si më poshtë vijon:

“2. AKM-ja kur vlerëson se dokumentacioni është i plotë, sipas pikës 1, të këtij kreu, brenda 5 (pesë) ditëve pune, ia përcjell atë institucioneve të mëposhtme, të cilat japin mendimin e tyre brenda 5 (pesë) ditëve pune:

a) Drejtorive teknike në ministrinë përgjegjëse për mjedisin, sipas specifikave të instalimit;

b) Agjencisë Rajonale të Mjedisit (ARM);

c) Ministrive të linjës dhe strukturave të varësisë, sipas fushës së veprimtarisë që lidhen me specifikat e instalimit;

ç) Njësive të vetëqeverisjes vendore, sipas juridiksionit territorial ku ndodhet instalimi.

3. Nëse institucionet e përcaktuara në pikën 5, të këtij kreu, nuk shprehen brenda afatit, AKM-ja vijon me procedurën e shqyrtimit të kërkesës për leje të mjedisit të tipit B.

4. AKM-ja pas mbledhjes së mendimeve nga institucionet e përmendura në pikën 2, të këtij kreu, ose pas kalimit të afatit të përcaktuar në pikën 2, harton brenda 10 (dhjetë) ditëve pune aktin e miratimit, refuzimit për dhënien ose jo të lejes së mjedisit të tipit B, të shoqëruar me argumentet përkatëse dhe e dërgon te ministri.”.

ç) Në pikën 6, fjalët “… brenda afatit të përcaktuar në këtë vendim …” zëvendësohen më togfjalëshin “… brenda 2 (dy) ditëve pune nga data e marrjes dijeni së aktit të miratimit ose refuzimit të lejes së mjedisit të tipit B …”.

d) Në pikën 10, togfjalëshi “… është 40 (dyzet) ditë pune.” zëvendësohet me  “… është 32 (tridhjetë e dy) ditë.”.

5. Kreu IV dhe seksioni 2, i kreut V, shfuqizohen.

6. Në kreun VI bëhen këto ndryshime:

a) Pika 1 ndryshohet, si më poshtë vijon:

“1. Kërkuesi përpara aplikimit në QKB dërgon në AKM, në njësinë e vetëqeverisjes vendore (NJQV) dhe Agjencinë Rajonale të Mjedisit (ARM), ku do të ketë vendndodhjen instalimi, një njoftim me shkrim dhe në formë elektronike për aplikimin që do të kryejë për t’u pajisur me leje mjedisore të tipit A ose B.”.

b) Pika 3 ndryshohet, si më poshtë vijon:

“3. AKM-ja publikon menjëherë në faqen e saj të internetit njoftimin, sipas pikës 2, të këtij kreu, për të paktën 20 (njëzet) ditë pune.”.

7.  Pikat 2, 5, 6 dhe 7, të kreut VIII, shfuqizohen.

8.  Shtojcat 3 dhe 6, bashkëlidhur vendimit, shfuqizohen.

II. Për të gjitha kërkesat e paraqitura përpara hyrjes në fuqi të këtij vendimi për t’u pajisur me leje mjedisi të tipit A ose B zbatohen dispozitat ligjore në fuqi në kohën e aplikimit.

III. Ngarkohen ministria përgjegjëse për mjedisin, Agjencia Kombëtare e Mjedisit, agjencitë rajonale të mjedisit, njësitë e vetëqeverisjes vendore dhe Qendra Kombëtare e Biznesit për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, me propozimim e Zëvendëskryeministrit dhe ministër i Infrastrukturës dhe Energjisë, Këshilli i Ministrave

1. Miratimin e Strategjisë Kombëtare të Sektorit të Furnizimit me Ujë dhe Kanalizimeve 2023-2030, e cila i bashkëlidhet këtij vendimi.

2. Vendimi nr.643, datë 14.9.2011, i Këshillit të Ministrave, “Për miratimin e Strategjisë Kombëtare Sektoriale të Shërbimeve të Furnizimit me Ujë dhe Kanalizimeve”, shfuqizohet.

3. Ngarkohet Ministria e Infrastrukturës dhe Energjisë për ndjekjen dhe monitorimin e zbatimit të kësaj strategjie, në bashkëpunim me institucionet e përcaktuara në planet e veprimit të saj.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe pikës 1, të nenit 31, të ligjit nr.35/2016, “Për të drejtat e autorit dhe të drejtat e tjera të lidhura me to”, të ndryshuar, me propozimin e ministrit të Kulturës, Këshilli i Ministrave

1. Në këtë vendim, termat e mëposhtëm kanë këto kuptime:

a) “Tarifa për shpërblim të arsyeshëm”, tarifa që paguhet nga prodhuesit vendas në rastin e shitjes së parë dhe/ose importuesit e pajisjeve, të cilat bëjnë të mundur riprodhimin e veprave të autorit për përdorim privat ose përdorim tjetër personal në territorin e Republikës të Shqipërisë, kundrejt Sportelit Unik për kryerjen e funksionit të mbledhjes së shpërblimeve të së drejtës së autorit, bazuar në një kontratë/marrëveshje midis tyre;

b) “Prodhues vendas dhe importues”, çdo person fizik ose juridik, i cili prodhon ose importon në Republikën e Shqipërisë pajisjet, të cilat bëjnë të mundur riprodhimin e veprave të autorit për përdorim privat ose përdorim tjetër personal;

c) “Pajisje/materiale të reja për regjistrimin vizual dhe zanor, kasetat dhe videokasetat boshe ose çdo mjet i fiksimit të tekstit”, kartë memorie (përveç atyre të aparateve celularë); disc/bluray; HDD, DVD; kaseta, audio; minidisk; videoregjistrues i llojit VHS, super VHS (përveç regjistruesve për kamera portative si: video 8, digjital 8 Hi8, DVM, VHS-C, super VHS-C), D-VHS, HD videokasetë;  çdo lloj i DVD ose CD boshe; televizor dhe çdo aparat me hardisk të brendshëm, si edhe video digjitale me memorie të brendshme, ku bëhet i mundur regjistrimi audio/video, MP3 player, MP4 player, iPod media player që mbështet formate: AVI, MPEG-1, MPEG-2, MPEG-4, XVID, DIVX (v3.11, v4.x, V.5x, V.6x), XVID / VCD, SVCD, DVD, ACC, WMA, WMV, ASF, MP3, MP4, WAV, IMOD dhe çdo version tjetër të ngjashëm me to për të gjitha rastet e zhvillimeve teknologjike të mëvonshme; bluray regjistrues; HD DVD regjistrues; audioregjistrues; minidisk regjistrues; videoregjistrues; CD regjistrues, pajisjet HI-FI që funksionojnë në mënyrë të pavarur; DVD regjistrues. pajisjet HI-FI që funksionojnë në mënyrë të pavarur; MP3 regjistrues; CD regjistrues; DVD regjistrues; kompjuter me lexues CD (përqindja vlen edhe për shumën që përfaqëson 7% të të gjithë sistemit me të cilin tregton CD writer); kompjuter me lexues  DVD (përqindja vlen edhe për shumën që përfaqëson 7% të të gjithë sistemit që është shitur së bashku me DVD regjistruese); hard disc i jashtëm; hard disk i brendshëm (përqindja), aplikuar për një shumë që përfaqëson 10 (dhjetë) % të të gjithë sistemit që është shitur së bashku me hard drive); kartë memorie e lëvizshme; telefona që  riprodhojnë zë apo audio regjistrime vizuale MP3, MP4, AAC, WMA, WAV, etj, (për shembull iPhone) me një kapacitet ruajtje më të madh se 4 Gb;

ç) “Pajisje/materiale të reja të fotokopjimit”, fotokopjet, printerët, skanerët, pajisjet dhe/ose makineritë multifunksionale të tjera të ngjashme me/pa funksion fotokopjues dhe letra.

2. Ky vendim përcakton tarifat për shpërblim të arsyeshëm nga shitja e parë dhe/ose importi i pajisjeve, të cilat bëjnë të mundur riprodhimin e veprave të autorit për përdorim privat ose për përdorim tjetër personal në Republikën e Shqipërisë, sipas kushteve të përcaktuara në nenin 31, të ligjit nr.35/2016, “Për të drejtat e autorit dhe të drejtat e tjera të lidhura me to”, të ndryshuar.

3. Ky shpërblim paguhet në emër dhe për llogari të Sportelit Unik nga të gjithë prodhuesit vendas në rastin e shitjes së parë dhe/ose importuesit e këtyre pajisjeve, të cilat bëjnë të mundur riprodhimin e veprave të autorit për përdorim privat ose për përdorim tjetër personal në territorin e Republikës së Shqipërisë.

4. Lista e pajisjeve dhe materialeve të reja për regjistrimin vizual dhe zanor, kasetave dhe videokasetave boshe ose çdo mjeti të fiksimit të teksti, si dhe çdo pajisje që ofron të njëjtin efekt me regjistrimin vizual dhe zanor është përcaktuar në shtojcën nr.1, që i bashkëlidhet këtij vendimi.

5. Prodhuesi vendas në rastin e shitjes së parë dhe importuesi janë të detyruar të paguajnë tarifat për shpërblim të arsyeshëm kundrejt Sportelit Unik, sipas shtojcës nr.1, që është pjesë përbërëse e këtij vendimi. Shpërndarja e të ardhurave bëhet nga Sporteli Unik, në përputhje me pikën 1, të nenit 139, të ligjit nr.35/2016, “Për të drejtat e autorit dhe të drejtat e tjera të lidhura me to”, të ndryshuar.

6. Tarifat për shpërblim të arsyeshëm për listën e pajisjeve/materialeve të reja për regjistrimin vizual dhe zanor, kasetave dhe videokasetave boshe ose çdo mjeti të fiksimit të tekstit është 0.5 (zero pikë pesë) %.

7. Tarifat për shpërblim të arsyeshëm llogariten sipas vlerës në % (përqindje), sipas:

a) vlerës doganore të pajisjeve/materialeve riprodhuese të importuara që bëjnë të mundur regjistrimin vizual dhe/ose zanor si dhe fiksimin e tekstit, në analog, digjital;

b) faturave mujore, pa përfshirë TVSH-në, të lëshuara nga prodhuesit vendas në Republikën e Shqipërisë.

8. Drejtoria e Përgjithshme e Doganave vendos në dispozicion të Sportelit Unik informacionin e nevojshëm për përllogaritjen e tarifave të shpërblimit të arsyeshëm për importet në Republikën e Shqipërisë të pajisjeve, të cilat bëjnë të mundur riprodhimin e veprave të autorit për përdorim privat ose për përdorim tjetër personal. Ky informacion përfshin:

a) numrin e deklaratave doganore (import);

b) datën e deklaratës doganore;

c) vlerën doganore (vlera statistikore);

d) NUIS-in e subjektit importues.

9. Drejtoria e Përgjithshme e Doganave njofton ministrinë përgjegjëse për të drejtat e autorit dhe Sportelin Unik për kodet  tarifore të mallrave të listuara në shtojcat 1 dhe 2.

10. Shkëmbimi i të dhënave, të përcaktuara në pikat 8 dhe 9, të këtij vendimi, kryhet bazuar në një marrëveshje të lidhur, ndërmjet organeve kompetente doganore dhe ministrisë përgjegjëse për të drejtën e autorit.

11. Tarifat për shpërblim të arsyeshëm për përdorim privat ose përdorim tjetër personal për listën e pajisjeve/materialeve të reja për regjistrimin vizual dhe zanor, kasetave dhe videokasetave boshe ose çdo mjeti të fiksimit të tekstit paguhen çdo muaj, deri në 30 (tridhjetë) ditë të muajit pasardhës në llogarinë bankare të Sportelit Unik.

12. Prodhuesi vendas, i cili prodhon pajisjet/materialet e reja për regjistrimin vizual dhe zanor, kasetat dhe videokasetat boshe ose çdo mjet të fiksimit të tekstit, ka detyrimin të njoftojë dhe t’i japë informacionin e nevojshëm Sportelit Unik, me qëllim lidhjen e kontratës ose marrëveshjes dhe në vijim kryerjen e pagesës së tarifës për shpërblim të arsyeshëm.

13. Sporteli Unik llogarit dhe përcakton shumën për shpërblim të arsyeshëm që do të paguhet nga importuesi dhe/ose prodhuesit vendas, në bazë të informacionit të vënë në dispozicion nga Drejtoria e Përgjithshme e Doganave dhe prodhuesit vendas.

14. Tarifat për shpërblim të arsyeshëm për përdorim privat ose përdorim tjetër personal, në përputhje me shkronjën “c”, të pikës 5, të nenit 31, të ligjit nr.35/2016, “Për të drejtat e autorit dhe të drejtat e tjera të lidhura me to”, të ndryshuar, janë të detyrueshme të paguhen me rastin e shitjes së parë nga prodhuesit në Republikën e Shqipërisë dhe/ose nga importuesit e çdo pajisjeje/materiali të ri të fotokopjimit te Sporteli Unik për kryerjen e funksionit të mbledhjes së shpërblimeve të së drejtës së autorit. Shpërndarja e të ardhurave bëhet nga Sporteli Unik në përputhje me pikën 2, të nenit 139, të ligjit nr. 35/2016, “Për të drejtat e autorit dhe të drejtat e tjera të lidhura me to”, të ndryshuar.

15. Lista e pajisjeve/materialeve, të cilat bëjnë të mundur riprodhimin e veprave të autorit për përdorim privat ose për përdorim tjetër personal nëpërmjet fotokopjimit në letër ose në çdo teknikë tjetër riprodhimi, që njësohet dhe ka të njëjtin efekt me fotokopjimin, përcaktohet  në shtojcën nr.2, që i bashkëlidhet këtij vendimi.

16. Tarifat për shpërblim të arsyeshëm për listën e pajisjeve/materialeve, të përcaktuara në shtojcën nr.2 është 0.5 (zero pikë pesë) % .

17. Vlera në % (përqindje) e parashikuar në pikën 16, të këtij vendimi, llogaritet, sipas rastit, nëpërmjet:

a) vlerës doganore për çdo pajisje/makineri të importuar në Republikën e Shqipërisë;

b) faturave mujore të lëshuara nga prodhuesit, pa përfshirë TVSH-në për çdo pajisje/makineri, të prodhuar në Republikën e Shqipërisë.

18. Pikat 8, 9, 10, 11 e 12, të këtij vendimi, zbatohen në të njëjtën mënyrë edhe për prodhuesit dhe importuesit e pajisjeve/materialeve, të cilat bëjnë të mundur riprodhimin e veprave të autorit për përdorim privat dhe vetjak ose për përdorim tjetër personal nëpërmjet fotokopjimit në letër ose në çdo teknikë tjetër riprodhimi që njësohet dhe ka të njëjtin efekt me fotokopjimin.

19. Ngarkohen ministria përgjegjëse për të drejtat e autorit dhe Sporteli Unik për zbatimin e këtij vendimi.

Ky vendim hyn në fuqi pas botimit në “Fletoren zyrtare”.