Po avancon me ritme të shpejta ndërtimi i korpusit të ri të laboratorëve të referencës pranë Institutit të Shëndetit Publik, një investim që synon trefishimin e kapaciteteve laboratorike në vend.

Ky investim strategjik modernizon infrastrukturën laboratorike dhe ngre standardet e biosigurisë në përputhje me praktikat më të avancuara të Bashkimit Europian. Përmes tij, forcohet ndjeshëm aftësia për të monitoruar në kohë reale rreziqet për shëndetin publik dhe për të përballuar situatat epidemiologjike me efikasitet dhe siguri më të lartë.

Ky zhvillim është pjesë e vizionit të Ministrisë së Shëndetësisë dhe Mbrojtjes Sociale për një sistem shëndetësor më të fortë, të gatshëm dhe të orientuar drejt standardeve europiane.