Specialist i Burimeve Njerëzore në Sektorin e Financës dhe Shërbimeve Mbështetëse, në Agjencinë për Media dhe Informim – kategoria IV-a
Në zbatim të Kodit të Punës së Republikës së Shqipërisë, të Vendimit të Këshillit të Ministrave nr. 512, datë 18.9.2021 “Për krijimin, organizimin dhe funksionimin e Agjencisë për Media dhe Informim” dhe të Urdhrit të Kryeministrit, nr. 136, datë 23.11.2021 “Për miratimin e strukturës dhe të organikës së Agjencisë për Media dhe Informim”, i ndryshuar, Agjencia për Media dhe Informim, shpall konkurimin për vend të lirë pune në pozicionin:
Specialist i Burimeve Njerëzore në Sektorin e Financës dhe Shërbimeve Mbështetëse, në Agjencinë për Media dhe Informim – kategoria IV-a
Përshkrimi i përgjithshëm i punës:
- Harton kontratat e punës dhe urdhrat e emërimit, administron regjistrin themeltar, dosjet personale dhe librezat e punës për të gjithë punonjësit e Agjencisë;
- Plotëson dhe përditëson përshkrimet e vendeve të punës, vlerësimet individuale dhe ecurinë në punë të punonjësve të Agjencisë në bashkëpunim me Drejtorin e Përgjithshëm;
- Në bashkëpunim me specialistin për financën, orienton dhe ndjek realizimin e planeve të pushimeve vjetore të punonjësve;
- Koncepton vendime administrative për miratim të Drejtorit të Përgjithshëm;
- Sipas udhëzimeve të Drejtorit të Përgjithshëm, përgatit aktet ligjore dhe nënligjore, rregulloret, shkresat dhe çdo material tjetër që nxjerr Agjencia;
- Organizon dhe monitoron procesin për njoftime të vendeve vakante/ të testimeve, në përputhje me dispozitat e parashikuara, si dhe siguron që njoftimet e lartpërmendura t’u komunikohen punonjësve të Agjencisë dhe/ose të shpallen publikisht
Aplikantët duhet të plotësojnë kërkesat si më poshtë:
– Të zotërojnë diplomë të nivelit “Bachelor”;
– Preferohet të kenë eksperiencë të mëparshme pune në sektorë të ngjashëm
Dokumentacioni, mënyra dhe afati i dorëzimit:
Aplikantët duhet të paraqesin në Agjencinë për Media dhe Informim në adresën: Bulevardi Dëshmorët e Kombit, Pallati i Kongreseve, Tiranë ose në adresën e e-mailit vakance@mia.gov.al, këto dokumente:
- Letër interesi për pozicionin ku specifikohet numri i shpalljes dhe emërtimi i pozicionit për të cilin aplikojnë;
- CV;
- Fotokopje të diplomës dhe listës së notave;
- Fotokopje të librezës së punë nëse ka;
- Certifikatë të kualifikimeve nëse ka
- Numër kontakti dhe adresë e-maili.
Afati përfundimtar për dorëzimin e aplikimeve dhe dokumentacionit të plotë është data 01.03.2022. Mosparaqitja e plotë e dokumenteve brenda kësaj sjell skualifikim të aplikantit
Aplikantët njoftohen individualisht dhe nëpërmjet adresës së e-mailit ose telefonit për verifikimin e plotësimit të kritereve të kërkuara, procesin e ankimimit, datën e provimit me gojë si dhe për informacione të tjera të nevojshme.