Të nderuar kryetarë të Komisionit Parlamentar të Stabilizim Asociimit BE-Shqipëri.

Të nderuar anëtarë të Komisionit,

Është kënaqësi të marr pjesë në këtë takim të 17-të të Komisionit Parlamentar të Stabilizim-Asociimit BE-Shqipëri.

Më lejoni që në fillim të shpreh vlerësimin tim për mbështetjen e madhe që kjo Dhomë i ka dhënë Shqipërisë në procesin e saj të Integrimit Evropian. Raporti i fundit i Parlamentit Evropian për Shqipërinë, i miratuar nga shumica në seancë plenare, është një provë e fortë e kësaj mbështetjeje. Dëshiroj të nënvizoj gjithashtu me këtë rast thirrjen e bërë nga Parlamenti Europian drejtuar institucioneve europiane për anëtarësimin e Shqipërisë në BE deri në vitin 2030.

Roli i Parlamentit Evropian vlerësohet në sigurimin e mbështetjes institucionale dhe publike për procesin tonë të integrimit në BE dhe në këtë kontekst, dëshiroj të përgëzoj anëtarët e nderuar të këtij Komiteti Parlamentar të Stabilizim Asociimit për punën e tyre dhe kontributin e madh.

Që nga takimi ynë i fundit në korrik 2023, mbetet shqetësuese situata e sigurisë në rajonin e Ballkanit Perëndimor, e nxitur nga zhvillimet në Evropë dhe Lindjen e Mesme. Në të vërtetë situata është më e brishtë sot, se në çdo moment të dekadës së kaluar.

Ky është një kujtesë se pse integrimi i rajonit tonë në BE është kaq vendimtar. Vetëm përmes integrimit në BE, rajonit tonë mund t’i garantohet një e ardhme e ndritur, në paqe, stabilitet dhe prosperitet. E vetmja përgjigje ndaj sfidave të rajonit tonë, nga trashëgimia e së kaluarës e deri te ndërhyrja e palëve të treta keqdashëse, është konsolidimi dhe forcimi i bashkëpunimit strategjik me BE-në në çështjet e sigurisë, në çështjet e politikës së jashtme, në çështjet e sundimit të ligjit dhe në çështjet e zhvillimit ekonomik.

Agresioni i paligjshëm rus kundër Ukrainës ka prodhuar një ndryshim të madh në të menduarit e BE-së ndaj rajonit tonë, duke përfshirë një fokus të ri në Zgjerimin. Shqipëria mbështet vendimet politike të dhjetorit 2023 në Këshill, të cilat i dhanë sërish prioritet gjeopolitikës dhe sigurisë, si në vitin 2022, duke avancuar për në rrugën drejt BE-së vendet si:Ukraina, Moldavia dhe Gjeorgja, si dhe duke hapur rrugën drejt negociatave të anëtarësimit për Bosnjën dhe Hercegovinën.

Këshilli nuk arriti të merrte vendimin për të ecur përpara me Shqipërinë. Sipas mendimit tonë, kjo ishte një mundësi e humbur për të vënë në praktikë angazhimin për tu zgjeruar me rajonin tonë, si dhe për një rrugë të besueshme dhe të parashikueshme të anëtarësimit në BE.

Përveç procesit të negociatave, ndërtimi i qëndrueshmërisë dhe mbështetja e konvergjencës ekonomike dhe sociale, duhet të përcaktojë axhendën e re të prioritizimit të rajonit të Ballkanit Perëndimor.

Ne mirëpresim propozimin e Komisionit për Planin e Rritjes për Ballkanin Perëndimor, si një mënyrë që rajoni të përfitojë gradualisht nga aksesi i zgjeruar në tregun e BE-së, si dhe të ngushtojë hendekun e konvergimit midis rajonit dhe BE-së. Ne i bëjmë thirrje këtij Komiteti që të inkurajojë miratimin pa vonesë të Planit të Rritjes dhe Lehtësimit të Rritjes.

Të nderuar anëtarë,

Ne mezi presim hapin tjetër në negociatat tona të pranimit. Por ne nuk jemi ulur duarkryq.

Përkundrazi, qeveria shqiptare ka vijuar të ruajë fokusin e përgjithshëm në axhendën e reformës së BE-së, pavarësisht sfidës së adresimit të pasojave ekonomike dhe sociale të goditjes së trefishtë të tërmetit të vitit 2019, pandemisë dhe luftës së agresionit rus kundër Ukrainës.

• Reforma gjithëpërfshirëse në drejtësi ka vazhduar, duke rezultuar në një progres të mirë në përgjithësi.
• Rivlerësimi i përkohshëm i të gjithë gjyqtarëve dhe prokurorëve – procesi i vetingut – ka vazhduar të përparojë në mënyrë të qëndrueshme.
• SPAK ka vazhduar veprimtarinë e tij, veçanërisht duke dhënë disa vendime të rëndësishme përfundimtare për çështje që kanë të bëjnë me zyrtarë të lartë shtetërorë.
• Shqipëria vazhdoi përpjekjet e saj në luftën kundër korrupsionit dhe kjo ka dhenë rezultate.
• Bashkëpunimi i fortë dhe i frytshëm me shtetet anëtare të BE-së, Europol dhe Eurojust ka vazhduar dhe ka çuar në rezultate të prekshme.
• Shqipëria ka vazhduar të tregojë angazhim për të luftuar prodhimin dhe trafikimin e kanabisit.
• Është bërë progres në sekuestrimin dhe konfiskimin e aseteve që lidhen me krimin e organizuar.
• Parimet thelbësore të Bashkimit Evropian, duke përfshirë respektimin e të gjitha të drejtave të njeriut, veçanërisht të drejtat e pakicave, demokracinë dhe shtetin e së drejtës, janë ideale që Shqipëria i ka zhvilluar si vlera dhe i është përkushtuar ruajtjes dhe mbrojtjes, brenda dhe jashtë vendit.
• Shqipëria ka një harmonizimin të plotë me Politikën e Përbashkët të Jashtme dhe të Sigurisë të BE-së. Ajo po punon me qarqe të tjera me të njëjtin mendim në rajon, përkatësisht Maqedoninë e Veriut, Kosovën dhe Malin e Zi, për të nxitur harmonizimin me Politikën e Përbashkët të Sigurisë së Jashtme të BE-së dhe për të shfaqur vlerat e partneritetit dhe të të njëjtit mendim me BE-në, në situatën më të vështirë të sigurisë për Evropën pas Luftës së Dytë Botërore. Shqipëria sapo përfundoi mandatin e saj dyvjeçar në Këshillin e Sigurimit të OKB-së dhe filloi mandatin e saj në Këshillin e OKB-së për të Drejtat e Njeriut dhe Bordin Ekzekutiv të UNESCO-s.
• Shqipëria vazhdon të ofrojë një kontribut të rëndësishëm në procesin e bashkëpunimit rajonal në Ballkanin Perëndimor duke iu përkushtuar plotësisht këtij qëllimi, edhe në kuadër të procesit të stabilizim-asociimit. Shqipëria merr pjesë aktive në të gjitha nismat rajonale dhe kornizat rajonale dhe punon në mënyrë proaktive për qëndrueshmërinë e progresit tonë në procesin e Integrimit Evropian.
• Në vitin 2023, Shqipëria kryesoi Procesin e Berlinit dhe priti Samitin, me ngjarjen kryesore Samitin e Liderëve më 16 tetor 2023.
• Pas konferencës së parë ndërqeveritare me BE-në më 19 korrik 2022, Shqipëria ka avancuar më tej me shqyrtimin analitik të acquis të BE-së, duke përfunduar shqyrtimin e të gjitha grupeve të negociatave brenda afatit kohor të parashikuar, me përkushtim dhe një përgatitje të shkëlqyer, e cila çoi në rezultate pozitive. Gjej rastin të falënderoj Komisionin dhe EEAS-in për punën e tyre. Dua të falënderoj gjithashtu më shumë se 1000 ekspertët e administratës publike shqiptare që morën pjesë dhe dhanë një pamje të detajuar se ku qëndron Shqipëria në lidhje me acquis-in e BE-së dhe sa e etur është Shqipëria për ta çuar përpara këtë punë.

Ne të gjithë, qeveria shqiptare dhe populli shqiptar presim me padurim të hedhim hapin tjetër në procesin e integrimit duke hapur “Cluster” pa vonesa të mëtejshme në vitin 2024.

Në emër të Qeverisë Shqiptare, dëshiroj të siguroj këtë komision për angazhimin e fortë për të punuar ngushtë me Parlamentin për këtë prioritet prioritar për vendin dhe popullin tonë.

Ju falënderoj përsëri për bashkëpunimin dhe përpjekjet tuaja në mbështetjen e procesit tonë të integrimit në BE. Unë besoj se bashkëpunimi ynë i ngushtë, përpjekjet tona në zbatimin e agjendës dhe reformave në lidhje me BE-në dhe mbështetja juaj do të na ndihmojë të përmbushim objektivat tona të përbashkëta dhe ta afrojmë Shqipërinë drejt anëtarësimit në BE.